ස්ත්රී දූෂණ චෝදනා මත ඔස්ට්රේලියාවේ සිඩ්නි නුවර දී බන්ධනාගාරගතව සිට දැඩි ඇප කොන්දේසි මත නිදහස් ව සිටින ශ්රී ලංකා ක්රිකට් ක්රීඩක ධනුෂ්ක ගුණතිලකගේ සිඩ්නි නුරව ජීවිතය සම්බන්ධව යම් වෙනසක් වීමට නියමිත බව අධිකරණයෙන් වාර්තා වේ.
සිඩ්නි ඩව්නිං සෙන්ටර් ප්රාදේශීය උසාවිය හමුවේ ඊයේ (16) පෙනී සිටි ධනුෂ්ක ගුණතිලක සිය නීතිඥයා හරහා එක් නිදන කාමරයක් සහිත මහල් නිවාසයක තනිවම ජීවත් වීමට අවසර දෙන ලෙස අධිකරණයෙන් ඉල්ලා සිටියේය.
ඔහු ඉල්ලා සිටින ආකාරයට සිඩ්නි හි තනිව ජීවත් වීම සඳහා ඔහුට පනවා ඇති ඇප කොන්දේසි වෙනස් කිරීමට අවශ්ය බව අධිකරණයේ දී ප්රකාශ විය.
“එයා කාත් එක්කවත් ජීවත් වෙන්නේ නැහැ. ඔහුට අවශ්ය එක් නිදන කාමරයක් සහිත කුඩා නිවසක ඉන්න, ”ඔහුගේ නීතිඥ ඇලන් සහිනොවික් අධිකරණයට පැවසීය.
ධනුෂ්ක ගුණතිලකට පසුගිය මාසයේ දී දැඩි කොන්දේසි පිට ඇප ලැබිණි. ඔහුට “ඩේටින් ඇප් “ හෝ සමාජ මාධ්ය භාවිතා කිරීම තහනම් විය. දැඩි කොන්දේසි සහිත නිදහස ලබා දීමට පෙර ඔහු දින 11 ක් රිමාන්ඩ් භාරයේ සිටියේය.
සිඩ්නි නුවර ඇතුළු බටහිර ප්රදේශයේ රෝඩ්ස් හි ධනුෂ්ක ගුණතිලක විසින් ඉදිරිපත් කර ඇති නව ලිපිනය උසාවිය විසින් විමසා ඇත.
එම ස්ථානයකට යාමෙන් ගුණතිලකට “වර්තමාන පදිංචිය හා සම්බන්ධ දුෂ්කරතා” මඟහරවා ගැනීමට ද ඉඩ සැලසෙන බව උසාවියේ දී කියැවී තිබේ.
ධනුෂ්ක ගුණතිලකගේ නීතිඥවරයා තර්ක කර ඇත්තේ මෙම වෙනස මගින් ගුණතිලකට “දිගු සහ දුෂ්කර” නීතිමය සටනක් සඳහා වඩාත් සුවපහසු වීමට ඉඩ සැලසෙනු ඇති බවය.
මේ අතර ධනුෂ්ක ගේ නව නිවසේ සිට සිඩ්නි හි නැඟෙනහිර තදාසන්න ප්රදේශයේ වින්දිතයාගේ නිවසට “තවමත් සැලකිය යුතු දුරක්” නැති බව උසාවියේ දී කියැවිනි. .
“අදාළ අවදානම් ගැටලුවල කිසිදු වෙනසක් ඇති බවක් මට පෙනෙන්නෙ නෑ,” මහේස්ත්රාත් ක්ලෙයාර් ෆර්නන් පවසා ඇත.
ඇය ඇප කොන්දේසි සඳහා අදාල වෙනස ලබා දුන් අතර ජනවාරි 12 දක්වා නඩුව කල් තැබුවාය.
ධනුෂ්ක ගුණතිලකගේ විදේශ ගමන් බලපත්රය අධිකරණය භාරයට ගෙන ඇත. ඇප කොන්දේසියක් ලෙස කිසිදු ජාත්යන්තර ගුවන්තොටුපලකට හෝ රටින් පිටවිමේ ස්ථානයක් වෙත ඔහුට ළඟා විය නොහැක.
සෑම දිනකම පොලිසියට වාර්තා කරන ලෙසත් රාත්රී ඇඳිරි නීතිය අනුගමනය කරන ලෙසත් ඔහුට නියෝග කෙරිණි.
ධනුෂ්ක ගුණතිලකගේ ඇපයට ” ඔහුගේ මිතුරෙකුගේ මිතුරෙකු” විසින් ඩොලර් 150,000 ක් සපයා තිබිණි. ඔහු විසින් තවත් ඩොලර් 50,000 ක ඇපයක් ලබා දී ඇත.
