දළදා වහන්සේට අපහාස කිරීම සම්බන්ධයෙන් කොන්දේසි විරහිතව සමාව ඉල්ලා සිටින බවට සමාජ මාධ්ය ක්රියාකාරික සේපාල් අමරසිංහ විසින් දැනුම්දීමෙන් අනතුරුව ඔහුගේ නඩු කටයුත්ත අවසන් කිරීමට කොළඹ ප්රධාන මහේස්ත්රාත් අධිකරණය අද (21) තීන්දු කළේය.
මෙම පැමිණිල්ල අද කොළඹ ප්රධාන මහේස්ත්රාත් ප්රසන්න අල්විස් ඉදිරියේයි කැඳවනු ලැබු අවස්ථාවේ විවෘත අධිකරණයේ දී සේපාල් අමරසිංහ මෙම සමාව ඇයැදීම සිදුකළේය.
එහිදී සැකකාර සේපාල් අමරසිංහ වෙනුවෙන් පෙනීසිටි නීතිඥවරයා අධිකරණය හමුවේ කරුණු දක්වමින් තම සේවාදායකයා මහානායක හිමිවරුන්ගෙන් හා බෞද්ධ ප්රජාවගෙන් කොන්දේසි විරහිතව සමාව අයැද සිටින බව දන්වා සිටියේය.
එමෙන්ම ඔහු අධිකරණය හමුවේ පෙනීසිටි පැමිණිලිකාර බෞද්ධ තොරතුරු කේන්ද්රයේ පූජ්ය අගුරුවැල්ලේ ජිනානන්ද හිමියන් ඇතුළු පිරිසගෙන්ද විවෘත අධිකරණයේ දී සමාව අයැදියේය
එවැනි කොන්දේසි විරහිතව සමාවක් අයැද සිටින්නේ නම් නඩු කටයුතු අවසන් කිරීමට සූදානම් බව පැමිණිල්ල වෙනුවෙන් පෙනීසිටි ජ්යෙෂ්ඨ නියෝජ්ය සොලිසිටර් ජනරාල් දිලීප පීරිස් පැවසුවේය.
ඒ අනුව එම නඩු කටයුත්ත අදින් නිමා වූයේය.
