කොරෝනා වසංගතය හමුවේ වත්මන් පාලකයින් කොළඹට මුල්තැනදී ගම අමතක කර ඇති බවට ඌරුවරිගේ වන්නිලැත්තෝ මාධ්ය වෙත අදහස් දක්වමින් චෝදනා කරයි.
දැනට උද්ගතව තිබෙන තත්ත්වය මත තව සති දෙක තුනක් ගතවන්නට පෙර සෑම ගමකම කොරෝනා පැතිරී නගරයට වඩා භයානක විනාශයක් ග්රාමීය ප්රදේශවල සිදු විය හැකි බව වන්නිලැත්තෝ පෙන්වා දෙයි.
මේ වන විට මහියංගනයේ රිදීමාලියද්ද අවට පමණක් කොරෝනා රෝගීන් දෙසියයකට ආසන්න පිරිසක් වාර්තා වන බවත් එය අනෙකුත් ග්රාමීය ප්රදේශවලට සීඝ්රයෙන් පැතිරී යාමේ තත්ත්වයක් උද්ගතව තිබෙන බවත් ඔහු පවසයි.
උද්ගතව තිබෙන මෙම භයානක තත්වය හමුවේ කොළඹ නගරය ගැන පමණක් අවධානය යොමු කරමින් නොසිට ග්රාමීය ප්රදේශවලට වහා අවධානය යොමුකර ලෙසට කඩිනමින් පියවර ගන්නා ලෙස රට කරවන පාලකයින්ගෙන්, සෞඛ්ය අංශ ප්රධානීන්ගෙන්, ආරක්ෂක අංශ ඇතුළු සියලු බලධාරීන්ගෙන් ඉල්ලා සිටින බව වන්නිලැත්තෝ ප්රකාශ කළේය.
ග්රාමීය ප්රදේශවල කොරෝනා වැලඳී සිටින බොහෝ අය දහවල් කාලයේ සැඟව සිටි සවස් කාලයේ කඩපිල්වල සැරිසරන තත්වයක් ඇතිව තිබෙන බවත් මෙය ඉතා භයානක බැවින් මේ කෙරෙහි බල බලධාරීන් අවධානය යොමුකළ යුතු බවත් වන්නිලැත්තෝ වැඩිදුරටත් සඳහන් කළේය.
