ජාතික ජන බලවේගය ත්රස්තවාදය වැළැක්වීමේ පනත. සම්බන්ධයෙන් සිය දිශානතිය වෙනස් කිරීම ආරම්භ කර ඇතැයි ඉලංගෙයි තමිල් අරසු කච්චි පක්ෂයේ මාධ්ය ප්රකාශක එම්. ඒ. සුමන්තිරන් සිය නිල එක්ස් ගිණුමේ පණිවුඩයක් තබමින් ප්රකාශ කරයි.
The NPP invited me to speak at their seminar on the topic “Abolish PTA” on 10.12.2022 at the SLFI under chairmanship of Mr Wijebandara AAL. Now they seem to have lost direction (compass notwithstanding) and are saying that PTA need not be repealed! https://t.co/hnTKMoezeV
— M A Sumanthiran (@MASumanthiran) October 30, 2024
ත්රස්තවාදය වැළැක්වීමේ පනතේ වරදක් නැති බවත් එය භාවිත කර ඇති ආකාරය පමණක් වැරැදි යැයි ආණ්ඩුවේ පාර්ශ්වය විසින් දක්වා තිබුණු ප්රකාශයට ප්රතිචාර දක්වමින් සුමන්තිරන් හිටපු මන්ත්රීවරයා මේ බව සඳහන් කරයි.
ජාතික ජන බලවේගය 2022 වසරේ දෙසැම්බර් මස 19 වැනිදා ත්රස්තවාදය වැළැක්වීමේ පනත අහෝසිකරනු මැයෙන් පැවැත්වූ සම්මන්ත්රණයේ ප්රධාන කථිකයා වශයෙන් තමන්ට ඇරැයුම් කරනු ලැබූ බවත් එහිදී එම පනතේ ඇති අසාධාරණයන් හා අගතීන් පිළිබඳව සිංහල භාෂාවෙන් ඉතා පැහැදිලිව දේශනය සිදුකළ බවත් හෙතෙම පවසයි.
ඉලංගෙයි තමිල් අරසු කච්චි පක්ෂය විසින් කන්කසන්තුරේ සිට හම්බන්තොට දක්වා ජනතාවගෙන් ත්රස්තවාදය වැළැක්වීමේ පනත අහෝසි කළ යුතු යැයි එවක ආණ්ඩුවට බලකරමින් අස්සන් කරනු ලැබූ මහජන පෙත්සම පිළිබඳවත් මතක් කරමින් එම සම්මන්ත්රණයේ ඉල්ලීම ශක්තිමත් කිරීමට කටයුතු කළ බවද ඔහු පෙන්වා දෙයි.
