දඹුල්ල අවුරා LPL ක්රිකට් තරගාවලියේ තවමත් පෙරමුණේය. බී ලව් කැන්ඩි කණ්ඩායම කණ්ඩායම් ධූරාවලියේ දෙවැනිය බව යළිත් දඹුල්ල කියා දුන්නේය.
LPL තරගාවලියේ 19 වැනි තරගය ලෙස බී ලව් කැන්ඩ් සමග අද (14) කොළඹ ආර්. ප්රේමදාස ක්රීඩාංගනයේ පැවති තරගයේ දීත් බි ලව් කැන්ඩි කණ්ඩායම පරාජය කර දඹුල්ල අවුරා කණ්ඩායම ලකුණු 20කින් ජය ගැනීමට සමත් වූයේය.
තරගයේ කාසියේ වාසිය දිනා ගත්තේ බී ලව් කැන්ඩිය. කැන්ඩි නායක වනිඳු හසරංග පළමුවෙන් පන්දුවට පහර දීමේ වාරය දඹුල්ලට ලබා දුන්නේය.
පළමුවෙන් පන්දුවට පහර දුන් දඹුල්ල අවුරා නියමිත පන්දු වාර 20 තුළ කඩුලු 07ක් දැවී ලකුණු 162ක් රැස් කෙරුවේය. දඹුල්ල අවුරා වෙනුවෙන් ආරම්භක පිිතිකරු අවිශ්ක ප්රනාන්දු පන්දු 27ක දි ලකුනු 41ක්, සධීර සමරවික්රම පන්දු 26ක දී ලකුණු 31ක්, බෙන් මැක්ඩිමොට් පන්දු 23ක දි ලකුණු 37ක් රැස් කළේය.
පන්දු යැවීමේ දී බී ලව් කැන්ඩි කණ්ඩායමේ නුවන් ප්රදීප් ලකුණු 35ට කඩුළු 3ක්, මුජීබ් උර් රහ්මාන් ලකුණු 32කට කඩුළු 2ක් ලැබුවේය. චතුරංග ද සිල්වා සහ වනිඳු හසරංග කඩුල්ල බැගින් ලැබුවේය. වනිඳු හසරංග සිය අවසන් පන්දු ඕවරයේ දැඩි ප්රහාරයකට ලක් වූයේය.
ලකුණු 163ක ජයග්රාහී ඉලක්කයක් හඹායෑම සඳහා පිටියට පිවිසි ‘බී ලව් කැන්ඩි’ කණ්ඩායමට පන්දුවාර 19යි පන්දු 4ක් අවසානයේ සියලුදෙනා දැවී රැස්කර ගත හැකි වූයේ, ලකුණු 142ක් පමණි.
වර්තාගත පන්දු යැවීම ධනංජය ද සිල්වාගෙනි. ධනංජය යැව්වේ පන්දු ඕවර දෙකක් පමණි. ලකුණු 06කට කඩුළු 04ක් ලැබුවේය. ප්රමෝද් මධුශාන් පන්දු ඕවර 3.4 ක් තුළ ලකුණු 27ට කඩුළු 02ක් ලැබුවේය.
තරගයේ වීරයා ධනංජය ද සිල්වා ය.
මෙම ජයග්රහණයත් සමග LPL තරගාවලියේ ප්රසාද ලකුණු සටහනේ පළමු තැන සිය ස්ථානය තවදුරටත් රැකගැනීමට ‘දඹුල්ල අවුරා’ කණ්ඩායම සමත් විය.
