ශ්රියානි විජේසිංහ –
දැනට පවතින නියඟය හේතුවෙන් හානි වූ ගොයමට ගිනි තැබුවහොත් වන්දි නොගෙවන බව කෘෂිකාර්මික හා ගොවිජන රක්ෂණ මණ්ඩලය ගොවි ජනතාවට දැනුම් දෙයි.
දැඩි නියඟය නිසා හානි වී ඇති ගොයම් වගාවන්ට ඇතැම් පුද්ගලයින් ගීනි තබා විරෝධය දක්වන ආකාරය පසුගිය දිනවල මාධ්ය ඔස්සේ විකාශය වූ බවත් මෙය නීතිවිරෝධී කටයුත්තක් බවත් එම මණ්ඩලය කෘෂිකර්ම අමාත්ය මහින්ද අමරවීරට දැනුම් දී තිබේ.
එම මණ්ඩලය විසින් මේ දිනවල නියඟයෙන් හානියට පත් කුඹුරුවල ගොයම් වගාවන්ට සිදුව ඇති හානිය සම්බන්ධව තක්සේරු කිරීම් ආරම්භ කර ඇත. ගොයම් වගාවන්ට ගිනි තැබු පසු හානි තක්සේරු කිරීමට හැකියාවක් නොමැති නිසා ඔවුන්ට වන්දි ලබා දීමට ද හැකියාවක් නැති බව එම මණ්ඩලය පෙන්වා දෙයි.
කෙසේ වුවද යම් පුද්ගලයෙක් තම කුඹුරට ගිනි තබන්නේ නම් ඔවුන්ට රජය විසින් ලබා දුන් පොහොර සහනාධාරය ඇතුළු සහන සඳහා වැය කරන ලද මුදල ද නිශ්ප්රයෝජන වන බැවින් ඒ සඳහා නීතිමය පියවර ගැනීමේ හැකියාව සම්බන්ධව සොයා බැලීමට ද කෘෂිකර්ම අමාත්යාංශය තීරණය කර ඇත.
