හැටන් රංජිත් රාජපක්ෂ –
නුවරඑලිය මුස්ලිම් පල්ලිය අසල පිහිටි ආපනශාලාවක් වෙත ගොස් එහි හිමිකරුට සහ සේවකයෙකුට පහර දි පරුෂ වචනයෙන් බැන තර්ජනය කලේ යැයි කියන නුවරඑලිය දිසාව භාර නියෝජ්ය පොලිස්පතිවරයාගේ පුද්ගලික සහකාර නිලධාරිවරයාව වහාම ක්රියාත්මක වන පරිදි ස්ථාන මාරු කර වෙනත් පොලිස් කොට්ඨාශයක සහකාර පොලිස් අධිකාරිවරයෙක් යටතේ විනය පරික්ෂණයක් සිදු කිරිමට ඊයේ (04) දින පියවර ගත් බව නුවරඑලිය දිසාව භාර වැඩ බලන නියෝජ්ය පොලිස්පති මහින්ද දිසානායක පැවසිය.
මහ මැතිවරණයක් ප්රකාශයට පත් කර ඇති නිසා එම පොලිස් පරික්ෂකවරයා ස්ථාන මාරු කිරිමට අවශ්ය කටයුතු කරන ලෙසට මැතිවරණ කොමිසම වෙත දැනුම් දි ඇති නියෝජ්ය පොලිස්පතිවරයා කියා සිටියේ.
සිද්ධියට මුල් වූ හේතුව මෙසේය.
නුවරඑලිය දිසාව භාර නියෝජ්ය පොලිස්පතිවරයාගේ පුද්ගලික සහකාර වශයෙන් රාජකාරි කරන පොලිස් පරික්ෂක වරයාගේ අශිෂ්ට ක්රියා කලාපය නිසා නුවරඑළිය නගරයේ ආපනශාලා සහ වෙළඳසල් හිමිකරුවන් බරපතල අගතියකට පත් වෙමින් තිබුණු බව වාර්තා විය.
නුවරඑලිය දිසාව භාර නියෝජ්ය පොලිස්පතිවරුන් කිහිපදෙනෙකු යටතේ පුද්ගලික සහකාර වශයෙන් රාජකාරි කර ඇති මෙම පොලිස් පරික්ෂකවරයා අධික ලෙස මත්පැන් පානය කරමින් නුවරඑලිය නගරයේ පිහිටි සංචාරක හෝටල් සහ ආපනශාලා වෙත ගොස් තමන් ඩි.අයි.ජි ගේ පුද්ගලික සහකාර වශයෙන් හඳුන්වා දී ආහාර සහ විවිධ භාණ්ඩ ගෙන ඒවාට මුදල් නොගෙවා යන පුරුද්දක් තිබී ඇත.
මෙම පුද්ගලයා පිළිබඳ ආසන්නම සිදුවීම වාර්තා වී ඇත්තේ නුවරඑළිය මුස්ලිම් පල්ලිය අසල දිවා රාත්රී විවෘතව පවතින ආපනශාලාවකිනි.
පෙරේදා (03) දින අලුයම 2.30 ට පමණ ජිප් රථයකින් මෙම
ආපනශාලාව වෙත පැමිණි පොලිස් පරීක්ෂකවරයා ආපන ශාලාවේ වඳ කොත්තු විකුණන බවට චෝදනා කරමින් ආපනශාලාවේ හිමිකරුට සහ සේවකයන්ට පහර දි ඇති බව ආපනශාලා හිමිකරු සීසිටීවී දර්ශන, වීඩියෝ පට සහ හඬ පට සහිතව මාධ්යය වෙත පැමිණ කීවේය. ඔහු පැවසුවේ මෙවැනි තත්ත්වයක් ඇතිවීමට හේතුව මෙම පොලිස් නිලධාරියා තමන්ගෙන් ඉල්ලූ මත් පැන් බෝතලයක් ඔහුට ලබා දීම ප්රතික්ෂේප කිරීම බව ද ඔහු රටට කීවේය.
“උඹ සිංහල මිනිස්සුන්ව වඳ කරන්න කෑම වලට වඳ බෙහෙත් දාලා කෑම දෙනවා, උඹ ආරාබියේ විකුණන අපේ ගැහැණු වද කරන කෑම වර්ග ගෙනල්ලා විකුණනවා, තොගේ කඩේ වහන්න ඕනි, විකුණන්න තියෙන කෑම තෝ කාපිය ඉස්සෙල්ලා” යනුවෙන් අසභ්ය වචනයෙන් ආපනශාලාවේ හිමිකරුට සහ සේවකයන්ට බැන වදින ආකාරයත්
අනතුරුව ආපනශාලා හිමියාට ආපනශාලාවේ අලෙවි කිරිමට සකස් කර තිබු ආහාර බලහත්කාරයෙන් කවන ආකාරයත් එම වීඩියෝපටවල තිබිණි.
අප කළ විමසීමකදී ආපනශාලාවේ හිමිකරුගෙන් කරුණු විමසා සිටියදි ඔහු කියා සිටියේ මෙම පොලිස් නිලධාරියා ඩි.අයි.ජි ගේ පුද්ගලික සහකාර ලෙස හඳුන්වා දෙමින් කාලයක් තිස්සේ තම වෙලදසැලට පැමිණ තමන්ට මෙසේ හිරිහැර කරන බවය.
ඔහු පොලිස් නිලධාරියෙකු නිසා පොලිසිය මගින් තමන්ට සාධාරණයක් ඉටු නොවන බවට සැක සිතී පොලිස් පැමිණිල්ලක් සිදු නොකර ඔහු තම ආපනශාලාවට පැමිණ සිදු කළ පහර දිම සහිත වීඩියෝ සහ සීසීටීවී දර්ශන මාධ්යට ලබා දෙන බව ආපනශාලා හිමිකරු පැවසුවේය.
මෙම සිද්ධිය මාධ්ය මගින් හෙලිදරව් කිරිමෙන් පසු අගතියට පත් එම ආපනශාලාවේ හිමිකරු වන අබ්දුල් කපුර් මොහොමඩ් ඊර්ෂාඩ් (46) නුවරඑලිය පොලිස් අධිකාරි කාර්යාලය වෙත ඊයේ (04) දින පස්වරුවේ කැදවා සහකාර පොලිස් අධිකාරිවරයෙකු ප්රකාශයක් ලබාගෙන ඇත.
පොලිසිය වෙත ප්රකාශයක් ලබාදිමෙන් අනතුරුව මධ්යට අදහස් දැක් වු අබ්දුල් කපුර් මොහොමඩ් ඊර්ෂාඩ් කියා සිටියේ තමන්ගෙන් ප්රකාශයක් ලබාගත් බවත්, මින් ඉදිරියට පොලිස් නිලධාරින්ගෙන් මෙවැනි බලපැම් නොවනු ඇතැයි විශ්වාස කරන බවත්ය.
