ශ්රී ලංකා සංචාරක සංවර්ධන අධිකාරියේ (SLTDA) ලියාපදිංචි සංචාරකයින් ප්රවාහනය කරන ඩීසල් වාහන සඳහා ප්රමුඛතා පදනම මත ලංගම බස් ඩිපෝවලින් ඉන්ධන ලබා දීමට වැඩපිළිවෙළක් සකස් කර ඇති බව සංචාරක සංවර්ධන අධිකාරිය පවසයි.
පසුගිය දිනවල පැවැති දැඩි ඩීසල් හිඟය හෙතුවෙන් රට පුරා තැන තැන සංචාරකයින් සිය වාහනවලට ඩීසල් නොමැති වීම නිසා දැඩි අර්බුදවලට මුහුණ දුන් බවට වාර්තා වන අතර ඔවුන්ගේ ගමන් සැලසුම් අවුල් සහගත තත්ත්වයක ට පත්ව ඇති බව සඳහන් විය.
මෙම තත්ත්වය අවම කිරීමේ අමුණින් මෙලෙස සංචාරක අමාත්යාංශයේ නිලධාරියෙකු පැවසුවේ ඉන්ධන හිඟය හේතුවෙන් සංචාරකයින් විවිධ ප්රදේශවල අතරමං වූ සිදුවීම් මාලාවකින් පසුව මෙම පියවර ගෙන ඇති බවයි.
ඒ අනුව සංචාරක සංවර්ධන අධිකාරිය විසින් මෙම වාහන සඳහා විශේෂිත ස්ටිකරයක් හඳුන්වා දීමට නියමිත අතර විශේෂ ස්ටිකර් අලවා ඇති වාහනවලට දිවයිනේ ඕනෑම බස් ඩිපෝවකට ගොස් ඉන්ධන ලබා ගත හැකිය.
මෙම වැඩපිළිවෙළට සහය ලබා දීමට ප්රවාහන අමාත්යංශයද එකඟ වී ඇති බව සංචාරක සංවර්ධන අධිකාරියේ ප්රකාශකයෙක් පැවසීය.
සංචාරකයින් ඉන්ධන නොමැතිව අතරමං වන අවස්ථාවක සංචාරක වාහන සඳහා සහය ලබා දෙන ලෙස සංචාරක අමාත්යාංශය පොලිස්පතිවරයාට ලිඛිතව දන්වා ඇත.
