එක්සත් ජනපද මාධ්යවේදීන් දෙදෙනෙකු ඇතුලුව එක්සත් ජනපද ටික්ටොක් භාවිතා කරන්නන් පිළිබඳ ඔත්තු බලා ඇති බව ටික්ටොක් චීන මව් සමාගමක් වන ‘ByteDance’ සේවකයින් විසින් නුසුදුසු ලෙස හෙළිදවර් කර ඇති බව අභ්යන්තර පරීක්ෂණයකින් පසුව පිළිගෙන ඇතැයි ‘ඒඑන්අයි’ වෙබ් අඩවිය වාර්තා කරයි.
මෙම ඔත්තු බැලීම් හේතුවෙන් අගතියට පත් මාධ්යවේදීන් වන්නේ ‘Buzz Feed’ හා ‘ෆෝර්බ්ස්’ සඳහා ලිපි සපයන ලේඛිකාවක වන එමිලි බේකර් වයිට් හා ‘Financial Times’ හි ක්රිස්ටිනා ක්රිඩල් ය.
නිව් යෝර්ක් ටයිම්ස් පුවත්පතට අනුව, චීන සමාගම මාධ්යවේදීන්ගේ IP ලිපින නිරීක්ෂණය කර ඇත්තේ, සමාගමේ තොරතුරු කාන්දු කළ බවට සැක කරන Tik Tok සේවකයින් සමඟ ඔවුන් සමීපව කටයුතු කර ඇත්දැයි සොයා බැලීමටය.
කෙසේ වෙතත්, ටික්ටොක් සේවකයින්ට ඊමේල් පණිවිඩ යවමින්, ByteDance හි ප්රධාන විධායක නිලධාරී රූබෝ ලියැන්ග් පවසා ඇත්තේ, පුද්ගලයන් කිහිප දෙනෙකුගේ විෂමාචාරය, හේතුවෙන් ඔවුන් කෙරෙහි වූ මහජන විශ්වාසය පළුදු වී ඇති බවයි. මේ සම්බන්ධයෙන් ඔහු දැඩි ලෙස කලකිරී සිටින බව ද වැඩිදුරටත් පවසා තිබේ.
ටික්ටොක් හි සාමාන්ය උපදේශක එරික් ඇන්ඩර්සන් ද වාර්තා කළේ එවැනි සිදුවීම් වැළැක්වීම සඳහා සමාගමේ අන්තර්ජාල විගණන සහ අවදානම් කණ්ඩායම ප්රතිව්යුහගත කර ඇති බවයි.
