එක් එක් රටවල නිශ්පාදන එක්සත් ජනපදයට ආනයනය කිරීමේදී ඔවුන් මුහුණ දෙන තීරුබදු අනුපාත නිශ්චිතව දක්වමින් රටවලට ලිපි යැවීම වොෂින්ටනය අද (04) සිට ආරම්භ කරන බව ජනාධිපති ඩොනල්ඩ් ට්රම්ප් ප්රකාශ කර තිබේ.
රටවල් 170 කට අධික සංඛ්යාවක් සමඟ සාකච්ඡා කිරීමේ සංකීර්ණතාවය පිළිගනිමින්, ට්රම්ප් බ්රහස්පතින්දා මාධ්යයට ප්රකාශ කර තිබුණේ එකවර රටවල් 10කට ලිපි යවන බවත්, එම සෑම ආනයනික භාණ්ඩයක් සදහාම 20% සිට 30% දක්වා තීරුබදු අනුපාත දක්වා ඇති බවත්ය.
“අපට රටවල් 170 කට වඩා තිබෙනවා, ඔබට කොපමණ ගනුදෙනු කළ හැකිද?” ඒවා බොහෝ සංකීර්ණයි.” ට්රම්ප් පවසා ඇත.
බදාදා වියට්නාමය සමඟ වෙළඳ ගිවිසුමක් ප්රකාශයට පත් කිරීමෙන් පසු අනෙකුත් රටවල් සමඟ වඩාත් සවිස්තරාත්මක ගිවිසුම් දෙකක් අපේක්ෂා කරන බව ද රිපබ්ලිකන් ජනාධිපතිවරයා පැවසීය.
කෙසේ වෙතත්, සවිස්තරාත්මක සාකච්ඡා මඟ හරිමින්, නිශ්චිත තීරුබදු අනුපාතයක් පිළිබඳව අනෙකුත් බොහෝ රටවලට දැනුම් දීමට තමා කැමති බව ඔහු කීවේය.
දැන් සාකච්ඡාවලට සම්බන්ධ වී සිටින ප්රධාන වෙළඳ හවුල්කරුවන්ට යුරෝපීය සංගමය සඳහා 20%, ඉන්දියාව සඳහා 26% සහ ජපානය සඳහා 24% ඇතුළුව බොහෝ ඉහළ තීරුබදු අනුපාතවලට මුහුණ දී ඇත.
කුඩා කඳුකර රාජධානියක් වන ලෙසෝතෝ සඳහා 50%, මැඩගස්කරය සඳහා 47% සහ තායිලන්තය සඳහා 36% ඇතුළුව ට්රම්ප් පරිපාලනය සමඟ වෙළඳ සාකච්ඡාවලට සම්බන්ධ නොවූ අනෙකුත් රටවල් ඊටත් වඩා ඉහළ අන්යෝන්ය තීරුබදු වලට මුහුණ දි ඇත. .
බදාදා ට්රම්ප් වියට්නාමය සමඟ ගිවිසුමක් නිවේදනය කළේය. බොහෝ වියට්නාම භාණ්ඩ සඳහා එක්සත් ජනපද තීරුබදු කලින් තර්ජනය කළ 46% සිට 20% දක්වා අඩු කරන බව ට්රම්ප් ප්රකාශ කර ඇත. ඇමරිකානු නිෂ්පාදන තීරුබදු රහිතව වියට්නාමයට ඇතුළු වීමට අවසර දෙනු ලැබේ.
