අති විශාල ධනස්කන්ධයක් එකතු වන බවට සඳහන් වන ආන්දෝලනාත්මක දේවගැති ජෙරම් ප්රනාන්දු හෝ ඔහු ගේ දේවස්ථානය රජයට නියමිත බදු ගෙවා ඇද්ද යන්න පිළිබඳව විමර්ශනය කිරීමට දේශීය ආදායම් දෙපාර්තමේන්තු නිලධාරීන් පියවර ගෙන ඇත.
ඔහුගේ පෞද්ගලික හැඳුනුම්පත් අංකයකට හෝ අදාල දේවස්ථානය නමින් බදු ගෙවා ඇති බවට තහවුරු කර ගත හැකි තොරතුරක් මෙතෙක් වාර්තා වී නැති බව සන්ඩේ ටයිම්ස් පුවත්පත පත වාර්තා කරයි.
මෙම ආයතනය ආදායම් බදුවලින් නිදහස් ආයතනයක් ලෙස ප්රකාශයට පත් කොට නැති බවද අනාවරණය වී ඇති අතර ඒ අනුව රජයට හිමි විය යුතු ආදායම් බදු ගෙවීමට බැඳී සිටින ආයතනයක් බව සඳහන් වේ.
මේ පිළිබඳව ග්ලෝරියස් පල්ලියේ නිලධාරියෙකුගෙන් බදු ගෙවන්නේ දැයි විමසූ
විට ඒ ගැන තොරතුරක් අනාවරණය කරගෙන දැනුම් දෙන බවට ප්රකාශ කර ඇති නමුත් ඊට ප්රතිචාරයක් දක්වා නැති බවද පුවත් පත සඳහන් කරයි.
ඒ අනුව ජෙරොම් ප්රනාන්දුගේ ග්ලෝරියස් පල්ලියේ කළමනාකාරිත්වයට කිසිදු බදු නිදහසක් ලබා දී නොමැති බවත්, දේශීය ආදායම් පනත යටතේ තම වත්කම් සහ ධනය ඇත්නම් ප්රකාශ කළ යුතු බවත් දේශීය ආදායම් දෙපාර්තමේන්තු නිලධාරීහු පෙන්වා දුන්හ.
සම්ප්රදායට අනුව බෞද්ධ විහාරස්ථාන ලෙස රජයේ ලියාපදිංචි කර ඇති බෞද්ධ විහාරස්ථාන බදුවලින් යම් ආකාරයක ආදායම් එකතුකිරීමකින් නිදහස් කර ඇත.
එලෙසම යම් යම් අන පනත් මඟින් බදු එකතු කිරීමෙන් නිදහස් කර ඇති ආගමික සිද්ධස්ථාන හැර සෙසු ආයතන බදු ගෙවිය යුතු වේ.
