අද පාර්ලිමේන්තුවේ විවාදයට ගනු ලබන ඛණිජතෙල් නීතිගත විශේෂ විධි විධාන සංශෝධන පනතට එරෙහිව මේ වනවිට විරෝධතා ව්යාපාරයක නිතරවන ඛණිජතෙල් පොදු සේවක සංගමයේ ආශෝක රන්වල සහ සමගි ජන බලවේගයේ වෘත්තිය සමිති නායක ආනන්ද පාලිත ඛණිජ තෙල් නීතිගත සංස්ථාවේ හෝ තෙල් ගබඩා පර්යන්තයේ සේවය නොකරන විශ්රාමික නිලධාරීන් බවත් ජනතා විමුක්ති පෙරමුණ නියෝජනය කරන අශෝක රන්වල මේ වැඩපිළිවෙළ කඩාකප්පල් කිරීමේ ත්රස්තවාදී කණ්ඩායමක් විසින් මෙහෙයවන බවත් බලශක්ති ඇමති කාංචන විජේසේකර අද පාර්ලිමේන්තුවේ දී පැවසුවේය.
ඇමතිවරයා මේ බව ප්රකාශ කළේ ඛණිජතෙල් නීතිගත විශේෂ විධි විධාන සංශෝධන පනත දෙවන වර කියැවීමේ විවාදයේ දී ය.
මෙම පනත සංශෝධනය ආරම්භ වන්නේ 2002 සිටපු රජය බව කී ඇමතිවරයා අද දවසේ ඒ යෝජනාවෙ කොටසක් ජනාධිපති රනිල් වික්රමසිංහගේ නායකත්වය තුළ ඉදිරිපත් කර ඇති බව කීවේය.
2002 පනත සංශෝධනයෙන් ඛණිජතෙල් ආනයනය හා බෙදා හැරීම අවස්ථාව ලබා දී තිබුණේ සැපයුම් කරුවන් 03ක් සඳහා බව කී ඇමතිවරයා අවසානයේ එක් සැපයුම් කරුවෙක් වූ ලංකා අයිඕසී සමාගමට ඒ අවසරය ලබා ගත් බව කීවේය.
එහෙත් මේ වනවිට මේ සම්බන්ධව අභිලාෂ කැඳවා ඇති බවත් සැපයුම් කරුවන් 24 දෙනෙක් අභිලාෂ ඉදිරිපත් කර ඇති බවත් ඇමතිවරයා කීවේය.
ඉන් සැයුම් කරුවන් කිහිප දෙනෙක් සම්බන්ධ කරගෙන මෙම වෙළෙඳපල විවෘත කර ඛණිජතෙල් නීතිගත සංස්ථාවත් එම වෙළෙඳපලේ තරගකරුවෙක් බවට පත් කිරීම සැලසුම බවත් ඇමතිවරයා කීවේය.
“දැනට බලශක්ති සැපයුම්කරුවො දෙදෙනයි ඉන්නෙ. ඛණිජතෙල් නිතිගත සංස්ථාව සහ ලංකා අයි.ඕ.සී සමාගම. ඉන් සියයට 15ක් අයි.ඕ.සී. සමාගමට . 85ක් සංස්ථාවට.
ජාත්යාන්තරව කටයුතු කරන තවත් සැපයුම් කරුවන් කීප දෙනෙකුට අවස්ථාව ලබා දීමයි මේ පනත සංශෝධණයේ අභිලාෂය.
වෘත්තීය සමිති සියල්ල එක්ක මේ පනත පාර්ලිමේන්තුවට ගෙනාපු වෙලාවෙ කතා කළා. මා පුද්ගලිකවත් වෘත්තීය සමිති එක්ක කතා කළා.
ඔවුන්ට කතා කරලා කිව්වෙ යථාර්ථය. නව සැපයුම්කරුවන්ට නව වෙළෙඳපල විවෘත කළේ නැතිනම් අපට ඛණිජතෙල් සංස්ථාවට අවශ්ය මුදල් ලබා ගන්න බෑ කියලා කිව්වා.
ඒ සාකච්ඡාවලදී ඔවුන් එය පිළිගත්තා. එහෙත් දීර්ඝ කාලීනව සටන් පාඨය ලෙස පාවිච්චි කළ ජන සතු කළ ව්යාපාරය ආරක්ෂා කිරීම කියන ඒ තේමා පාඨය නිසා ඔවුනුත් යම් අභියෝගයට මුහුණ දීලා කියලා මා විශ්වාස කරනවා.
සමහර වෘත්තීය සමිති නායකයො කියන පිරිස් අද දවසේ ඛණිජතෙල් නීතිගත සංස්ථාව හෝ තෙල් ගබඩා පර්යන්තය නියෝජනය කරන පිරිසක් නොවෙයි.
ඊයේ දවසෙත් ජනතා විමුක්ති පරමුණේ වෘත්තීය සමිති නායකයා අශෝක රන්වල ඇවිත් කියනවා තෙල් බෙදා දීම අත්හිටුවනවා කියලා. ඔහු ඛණිජ තෙල් නීතිගත සංස්ථාවේ හෝ තෙල් ගබඩා පර්යන්තයේ වැඩ කරන්නෙ නෑ. ඊයෙ රාත්රියෙ කියනව සියලු සේවකයො ලෙඩ නිවාඩු දාලා වෘත්තීය සමිති ව්යාපාරයකට එනවා කියලා. අපි තෙල් බෙදාහැරීම ඇණහිටවනවා කියලා.
මේ තර්ජනයක් කරන්නේ. එක පැත්තකින් ඔහුට විනයානුකුළ පියවරක් හෝ නෛතික පියවරක් ගන්නෙ නෑ ඔහු සේවයේ ඉන්න කෙනෙක් නොවන නිසා. සේවය කරන පිරිස්වලට කියනවා ලෙඩ නිවාඩු දාන්න කියලා. මේ කටයුතු ත්රස්තවාදී කණ්ඩායම් විසින් මෙහෙයවන්නෙ.
“මේ විරුද්ධ වීමෙන් ප්රයෝජනය මොකක් ද?.“
“බහුතර දෙනා මේ වෘත්තිය සමිත නායකයින් සේවයෙන් විශ්රාම ගිය අය. අද සේවය කරන පිරිස් නොවෙයි. ජනතා විමුක්ති පෙරමුණ නියෝජනය කරන අශෝක රන්වල සහ සමගි ජනබලවේගය නියෝජනය කරන ආනන්ද පාලිත විශ්රාම ගිය නිලධාරීන්. “
“සමහර වෘත්තීය සමිති ව්යාපාරවලින් අදහසක් තියනවා වැරදි චිත්රයක් මවලා තියනවා. පිරිපහදුව අලෙවි කරනවා ද ඈවර කරනවා ද කියලා. එහෙම කිසිම අදහසක් නෑ. ඒත් අප තුළ තියෙන්නෙ සැපයුම් කරුවෙක් ලෙස සංස්ථාව කාර්යක්ෂම හා පාඩු නොලබන තැනක් බවට පත් කිරීම.
