සමගි ජන බලවේගය ජනාධිපතිවරණයෙන් ජයගත් අපේක්ෂකයාගේ ජයග්රහණ පිළිගන්නා බව ප්රකාශ කළේය.
එහෙත් සාධාරණ මැතිවරණයක් පැවැත්වීම පිළිබඳ ගැටලුවක් පවතින බවත්, මැතිවරණ කොමසාරිස්වරයා දෙවැනි මනාපය ගණන් කිරීම සඳහා ප්රකාශයට පත් කිරීමට පෙර ඇතැම් ගණන් කිරීමේ මධ්යස්ථානයවල තමන්ගේ නියෝජිතයන් රහිතව මනාප ගණනය කර ඇති බවත් සමගි ජන බලවේගයේ ලේකම් රංජිත් මද්දුමබණ්ඩාර අද ( 22) මාධ්ය සාකච්ඡාවක් පවත්වා පැවසුවේය.
සාමාන්යයෙන් සියලු ජනාධිපතිවරණවල දී ජනාධිපතිවරයා සියයට 50ක ඡන්ද ලබා ගත්තා. මෙවර මැතිවරණයේ දි ජයග්රහණය කළ අපේක්ෂකයා ලබාගෙන තියෙන්නේ සියයට 42ක ඡන්ද ප්රතිශතයක්. මැතිවරණ නීතිය අනුව දෙවැනි මනාපයක් ගණන් කරන්න ඕන.
මැතිවරණ කොමිසමේ සභාපතිවරයා කොමිසම දෙවැනි වර ගණන් කිරීම ප්රකාශයට පත් කරන්න ඕන. නමුත් සමහර දිස්ත්රික්කවල දෙවැනි වර ගණන් කිරීම ප්රකාශයට පත් කිරීමට පෙර දෙවැනි මනාපය ගණන් කරලා තියනවා.
අපිට මෙතනදි ප්රජාතන්ත්රවාදය සහ ජනතාවගේ කැමැත්ත ගැන ප්රශ්නයක් නෑ. ජයග්රහණය පිළිබඳවත් ප්රශ්නයක් නෑ. මෙතන ගැටලුව තියෙන්නේ නීත්යානුකූලව මැතිවරණය පැවැත්වීම සම්බන්ධවයි.
අපි නැවත මැතිවරණ කොමිෂන් සභාවේ සභාපතිවරයාගෙන් ඉල්ලා සිටියා අපේ නියෝජිතයින් ඉස්සරහා මේ දෙවැනි ගණන් කිරීම කරන්න කියලා. සමහර දිස්ත්රික්කවලින් තවම ඒක කරලා නෑ.
අපි කියන්නේ මේ මැතිවරණය අපි දැක්ක සමහර නිලධාරින් නීත්යානුකූල නොවන ආකාරයට පක්ෂපාතීව ක්රියා කරලා තියනවා. මනාප ගහද්දි සමහර වෙලාවට මනාප කියන කෙනාට නෙමෙයි වෙනත් අයට.
ඒ නිසා සමහර තේරිම්භාර නිලධාරීන් ඉවත් කරලා තියනවා.
ඒ නිසා තවදුරටත් මනාප ගණන් කිරීමේ අයිතිය අපට හොරෙන් කරනවා නම් ඒක වැරදි කටයුත්තක්.
අපේ ප්රශ්නය ජයග්රහණය සම්බන්ධවත් ප්රජාතන්ත්රවාදය සම්බන්ධවත් නෙමෙයි. නිදහස් හා සාධාරණ මැතිවරණයක් ගැනයි අපි කතා කරන්නේ.
ඉදිරියේ දී මේ කටයුත්ත නොකළොත් මේ කටයුත්ත මේ නිලධාරීන් එක්ක ස්වාධීනව පැවැත්වීමේ ප්රශ්නයක් තියනවා. ඒ නිසා අපි නැවත කියන්නෙ අපේ නියෝජිතයින් ඉදිරිපිට දී මේ මනාප ගණන් කිරීම කරන්න කියලා.
