අගමැති ඇතුළු සියලු කැබිනට් මණ්ඩලය ඉල්ලා අස්වීමෙන් පසු සර්ව පාක්ෂික ආණ්ඩුවක් පිහිටුවීමට ජනපති එකඟ වී ඇත.
වර්තමානයේ පවතින තත්වයට විසඳුමක් ලෙස පාර්ලිමේන්තුවේ පවතින සියලුම දේශපාලන පක්ෂවල සහභාගීත්වයෙන් සර්ව පාක්ෂික ආණ්ඩුවක් පිහිටුවීම සඳහා විධායක ජනාධිපතිවරයා ලෙස ප්රතිපත්තිමය වශයෙන් එකකඟවන බව ජනාධිපතිවරයා ආණ්ඩුවේ පක්ෂ නායකයින් වෙත ලිඛිතව දැනුම් දී තිබේ.
ඒ අනුව වර්තමාන අගමැතිවරයා ඇතුළු කැබිනට් මණ්ඩලය ඉල්ලා අස්වීමෙන් පසු පිහිටුවීමට නියමිත එම සර්ව පාක්ෂික ආණ්ඩුවේ ව්යුහය මෙන්ම වගකීම් ලබා දෙන පුද්ගලයින් සහ ක්රියාත්මක විය යුතු කාලසීමාව සම්බන්ධයෙන් සාකච්ඡා කිරීමේ පළමු අදයර සඳහා ලබන සිකුරාදා පෙවරුවේ ජනාධිපති මන්දිරයේ දී විශේෂ සාකච්ඡාවක් පැවැත්වීමට කටයුතු කර ඇතැයි ජනාධිපතිවරයා දන්වා තිබේ.
ඒ සඳහා 2020 මහ මැතිවරණයෙන් පසු ආණඩු පක්ෂය නියෝජනය කළ සහ මේ වනවිට ස්වාධීනව කටයුතු කරන පක්ෂ නායකයින්ට ද ඇරයුම් කර ඇත.
ජනාධිපතිවරයා විසින් ලියා ඇති ලිපියේ වැඩිදුරටත් සඳහන් වන්නේ රටේ වර්ථමානයේ පවතින සමාජ හා ආර්ථික අර්බුදය සඳහා විසඳුමක් වශයෙන් පාර්ලිමේන්තුව නියෝජනය කරන සියලුම දේශපාලන පක්ෂවල සහභාගීත්වයෙන් සර්ව පාක්ෂික ආණ්ඩුවක් පිහිටුවන ලෙස අතිපූජ්ය ත්රෛනිකායික මහා නායක ස්වාමීන්වහන්සේලා මෙන්ම අගරදගුරු අති උතුම් මැල්කම් කාදිනල් රන්ජිත් හිමිපාණන් වහන්සේ ඇතුළු සර්ව ආගමික නායකයින් ද දේශපාලන පක්ෂ හා පොදු ජන සංවිධාන රැසක් ද ඉල්ලීම් කර ඇති බවය.
