සොලමන් දූපත් සහ චීනය විසින් අත්සන් කළ ආරක්ෂක ගිවිසුමට සොලමන් දූපත් වැසියන්ගේ දැඩි විරෝධයක් එල්ලවී තිබේ. සොලමන් දූපතේ විපක්ෂ නායක මැතිව් වේල් විසින් අදල ආරක්ෂක ගිවිසුම කිසිඳු විනිවිදභාවයකින් තොවර අත්සන් කරන ලද්දක් බවට චෝදනා කරනු ලබයි.
එහිදී ඔවුන් පෙන්වා දී ඇත්තේ මෙම ගිවිසුම එරට ජනතාව කිසිම අයුරකින් ඉල්ලා සිටින ලද ගිවිසුමක් නොවන බවත් ඒ පිළිබඳ කිසිම විශ්වාසයක් ජනතාවට නොමැ බවත්ය.
එසේම මෙම ගිවිසුමට විපක්ෂය මෙන්ම ආණ්ඩු පක්ෂයේ සමාජිකයින්ද සිය විරෝධය පළකර ඇති බවද වේල් පෙන්වා දී තිබේ.
සොලමන් දූපත් රාජ්ය තායිවානය සමඟ ඉතා සමීප රාජ්යතාන්ත්රික සම්බන්ධතා පවත්වාගෙන ගිය අතර එය වෙනත් අතකට යොමු කිරීමට චීනය ඉතා සූක්ෂම කටයුතු කලේය. එහිදී පැසිපක් හී දුප්පත්ම රාජ්යක් වන සොලමන් දූපතට ඇමරිකානු ඩොලර් මිලියන 730 ආධාරයක් ලාබදෙමින් වසර 36 පුරා පැවති තායිවාන සම්බන්ධතා බිඳ දැමීමට චීනය පියවරගත්තේය.
ඒ අනුව 2021 වර්ෂයේදී සොලමන් දූපත පුරා ජනතාව විරෝධ පැනනැගුණු අතර එහිදී ආණ්ඩුව විසින් තායිවාන සම්බන්ධතා නවතා දැමීමත් චීනය සමීප වීමත් සමබන්ධයෙන් විශාල විරෝධයක් පැන නැගිනි.
මෙහි ප්රතිඵලයක් ලෙස විපක්ෂය විසින් විශ්වාසභංග යෝජනාවක් ගෙන ආවද එය සාර්ථක මැඩපැවැත්වීමට ආණ්ඩුව සමත්විය. කෙසේ වෙතත් මේවන විට සොලමන් දූපත් චීනය වෙත සමීප වීම සම්බන්ධයෙන් නැගෙන විරෝධය දිනෙන් දින වාර්ධනය වෙමින් පවතී.
මේ අතර සොලමන් දුපත විසින් චීනය සමඟ ආරක්ෂක ගිවිසුමක් අත්සන් කිරීම සම්බන්ධයෙන් නවසීලන්තය සහ ඕස්ට්රේලියාවද සිය කනස්සල පළකර තිබේ.
