පාරිභෝගික වියදම් ඉහළ නැංවීම සඳහා චීනයේ විශාලතම රාජ්ය බැංකු මේ සතියේ තැන්පතු සඳහා පොලී අනුපාත අඩු කර ඇත.
මෙලෙස පොලී අනුපාත කප්පාදුව, පසුගිය වසරේ සිට සිදුකළ එවැනි දෙවන පොලී අඩු කිරීමයි. පොලී අනුපාත පහළ දැමීම මගීන් කොරෝනා වසංගතය පාලනය කිරීමට පනවා තිබූ සීමාවන් ඉවත් කිරීමෙන් පසු චීනයේ ආර්ථිකය අපේක්ෂා කළ තරම් ශක්තිමත් ලෙස යථා තත්ත්වයට පත් වී නොමැති බවට ඉතා හොදින්ම පෙන්නුම් කරන බව, නිව් යෝර්ක් ටයිම්ස් පුවත්පත වාර්තා කරයි.
වාණිජ බැංකු හයක් විසින් ඉල්ලුම් තැන්පතු සඳහා වන අනුපාතය සියයට 0.25 සිට සියයට 0.2 දක්වා අඩු කර ඇති බව නිවේදනය කර ඇත. ස්ථාවර කාලසීමාවක් ආවරණය වන පරිදි බැංකු විසින් තැන්පතු සඳහා වන පොලී අනුපාත අඩු කර ඇති බවටද එහිදී වාර්තාවේ.
චීනයේ කාර්මික සහ වාණිජ බැංකුව පස් අවුරුදු තැන්පතු අනුපාතය සියයට 2.65 සිට සියයට 2.5 දක්වා අඩු කළ අතර තුන් අවුරුදු අනුපාතය සියයට 2.6 සිට සියයට 2.45 දක්වා අඩු කර ඇති බව නිව් යෝර්ක් ටයිම්ස් බැංකුවේ වෙබ් අඩවිය උපුටා දක්වමින් වාර්තා කරයි.
තැන්පතු අනුපාත අඩු කිරීම ප්රතිපත්ති සම්පාදකයින්ට වියදම් උත්තේජනය කිරීමට භාවිතා කළ හැකි එක් ලීවරයක් වේ. නිව් යෝර්ක් ටයිම්ස් වාර්තා කරන පරිදි, අඩු මිල ගණන් පාරිභෝගිකයින්ට තම ඉතුරුම් බැංකුවේ නවතා තැබීම වෙනුවට මුදල් වියදම් කිරීමට හෝ ආයෝජනය කිරීමට දිරිගැන්වීමක් ලබා දෙනු ඇතැයි අපේක්ෂා කෙරේ.
බැංකුවල තීරණය පෙන්නුම් කරන්නේ ආර්ථික වර්ධනයේ ප්රධාන ධාවකයක් වන පාරිභෝගික වියදම් මන්දගාමීව පවතින බවයි. පසුගිය වසරේ චීනය සිය කොරෝනා මර්ධන සීමාවන් ඉවත් කර ආර්ථිකය නැවත විවෘත කිරීමෙන් පසුව, ඉහළ ගිය ඉල්ලුම නිදහසේ වියදම් කිරීම ආරම්භ කිරීමට මිනිසුන් දිරිමත් කරනු ඇතැයි අපේක්ෂාවන් කර තිබුණු නමුත් ආර්ථිකයේ විවිධ අංශවල එවැන්නක් සිදු වී නොමැති බවයි.
