ව්යාධිජනක ක්ෂුද්ර ජීවීන් හා අහිතකර බැක්ටීරියා අඩංගු කාබනික පොහොර නැවක් ආනයනය කිරීමේ ක්රියාමාර්ගය තුළින් රජයට රුපියල් කෝටි 130කට අධික පාඩුවක් සිදු කලේ යැයි කියන සිද්ධිය සම්බන්ධයෙන් අත්අඩංගුවට පත්වුවහොත් ඇප ලබාගත හැකිවන පරිදි පූර්ව ඇපයක් නියම කරන්නැයි ඉල්ලා හිටපු ඇමති මහින්දානන්ද අලුත්ගමගේ අපේක්ෂිත ඇප ඇයදුමක් කොළඹ ප්රධාන මහේස්ත්රාත් අධිකරණයට අද (14) ඉදිරිපත් කළේය.
අදාළ සිද්ධිය තුළින් තමන් රජයට පාඩුවක් කර ඇති බවට අල්ලස් කොමිසම මගින් විමර්ශනයක් සිදු කරන බවත් සඳහන් කරමින් අල්ලස් කොමිස මේ විශේෂ විමර්ශන ඒකකයේ ස්ථානාධිපතිවරයා වග උත්තර කරමින් මෙම ඇප අයදුම ඉදිරිපත් කළේය.
මහින්දානන්ද අලුත්ගමගේ සිය පෙත්සම මගින් සඳහන් කර ඇත්තේ පුවත්පත් වාර්තා පළ වූ ආකාරයට අදාළ පාඩුවක් ශ්රී ලංකා රජයට තමන් විසින් සිදුකර නොමැතිි බවය.
චින්දාඕ සමාගමට මුදල් ගෙවීම සම්බන්ධයෙන් තීරණය මහජන බැංකුව හරහා ලබා ගත්තක් බවත්, ඊට අධිකරණමය කියාමාර්ගයක් තිබෙන බවත්, අදාළ මුදල්වලට ඕනෑම අවස්ථාවක දී ශ්රී ලංකා රජයට ඕනෑම දෙයක් මිලදී ගැනීමේ හැකියාවක් ඇති බවත් සිය පෙත්සම මගින් වැඩිදුරටත් හිටපු ඇමතිවරයා සඳහන් කර ඇත.
ඇප ලබාගත නොහැකි සිද්ධියක් සම්බන්ධයෙන් අත්අඩංගුවට පත් වුවහොත් පූර්ව ඇපයක් නියම කරන ලෙස මෙම පෙත්සම ගොනු කර ඇති අතර පෙත්සම සලකා බැලීම ලබන සඳුදා සිදු කරන බවට කොළඹ ප්රධාන මහේස්ත්රාත් තනුජා ලක්මාලි අද දින නියම කළාය. -( රොෂාන් තුෂාර – ලංකාදීප)
