හිටපු අමාත්ය පාඨලී චම්පික රණවක මහතාගේ නායකත්වයෙන් ඇරඹුණු ‘එක්සත් ජනරජ පෙරමුණ’ නම් නවතම දේශපාලන පක්ෂය ජනරජ දිනය යෙදෙන හෙට මැයි 22 වෙනිදා (සඳුදා ) ජාතික තරුණ සේවා සභා ශ්රවණාගාරයේ දී එළිදැක්වීමට නියමිත ය.
ජනතාවගේ සාමූහික ප්රයත්නයකින් රට ගොඩ ගෙන, ගොඩ නගන, කුසලතාව භාවිතා කරන ප්රායෝගික වැඩපිළිවෙළක් මත පදනම් ව රටට ආර්ථික, රාජ්ය තාන්ත්රික, ප්රජාතාන්ත්රික නිදහසත්, ජාතික සමගිය හා ඒකාග්රතාව ලබාදීමත්, අරමුණු කර ගෙන ‘ජනරජ පෙරමුණ’ බිහි කරන බව එම පක්ෂය පවසයි.
HOPE – M නම් වූ පංචවිධ වටිනාකම් (එනම් අවංක බව, විවෘත බව, ප්රායෝගිකත්වය, සහකම්පනය සහ කුසලතාවාදය) සහ ආර්ථික සමෘද්ධිය, තිරසාර සංවර්ධනය, ස්ථාවර ප්රජාතන්ත්රවාදී රාජ්යය, සමාජ සාධාරණත්වය, සම මිතුරු විදේශ ප්රතිපත්තිය නම් වූ පංචවිධ ප්රතිපත්ති මත පදනම් ව එක්සත් ජනරජ පෙරමුණ කටයුතු කරන බව එම පකෂය විසින් නිකුත් කරන ලද නිවේදනයක දැක්වේ. .
