හිටපු ජනාධිපති ගෝඨාභය රාජපක්ෂ පොදු ජන එක්සත් පෙරමුණේ කිසිදු රැස්වීමකට සහභාගී කර නොගැනීමට එම පක්ෂය තීරණය කර ඇතැයි පක්ෂයේ විශ්වාසකටයුතු අභ්යන්තර ආරංචි මාර්ග සඳහන් කරයි.
ශ්රී ලංකා පොදුජන පෙරමුණේ ප්රබල ක්රියාකාරීන් සහ මන්ත්රීවරුන් පිරසකගේ යෝජනාවකට අනුව මෙම තීරණය ගෙන ඇති බව එම ආරංචි මාර්ග කියයි.
එම යෝජනාවට රාජපක්ෂ පවුලේ ද පූර්ණ අනුමැතිය ලැබී ඇති බව දැනගන්නට ඇත.
ජනතා විරෝධය හමුවේ පලා ගිය ගෝඨාභය රාජපක්ෂ නැවත ජනතාව අතරට ගෙන යෑමට නොහැකි බැවින් ඉන් කිසිදු ආකාරයක ජනතා ප්රසාදයක් ගොඩනැගිය නොහැකි යැයි මහින්ද හිතවාදී පොදුජන පෙරෙමුණු ක්රියාකාරීන් පෙන්වා දී ඇත්තේ රාජපක්ෂ පවුලේ අනුදැනුම ද සහිතව බව වාර්තා වේ.
ඒ අනුව එවැනි පුද්ගලයෙක් නැවත වේදිකාවට ගෙන ඒමෙන් කිසිදු ප්රයෝජනයක් දේශපාලන වශයෙන් අත්කරගත නොහැකි බව පොහොට්ටුවේ ප්රබලයින්ගේ තක්සේරුව වී ඇත.
අභ්යන්තර ආරංචි මාර්ග හෙළි කරන ආකාරයට මහින්ද රාජපක්ෂ නාමය ජනතාව අතරේ ඇතැයි විශ්වාස කරන මෙම කණ්ඩායම මහින්ද රාජපක්ෂ ඉදිරියෙන් තබාගෙන නාමල් රාජපක්ෂ ගේ ඊලඟ නායකත්වය අපේක්ෂාවෙන් සිය ප්රචාරණ ව්යාපෘතිය සැලසුම් කිරීමේ යෝජනාවට එකඟත්වය පලකර තිබේ.
කළුතරින් ආරම්භ වූ ගමින් ගමට ප්රචාරණ ව්යාපාරය උපරිම ජවයකින් ක්රියාත්මක කිරීමට මේ වනවිට සැලසුම් කර ඇතැයි දැනගන්නට ඇත..
ගෝඨාභය වේදිකාවට නොගෙනෙන ලෙස රාජපක්ෂ පවුල තුළින්ම මතුවී ඇති යෝජනාව එම පවුලේ අභ්යන්තර ගැටුමේ ප්රකාශනයක් බව දේශපාලන අංශවල මතය වී තිබේ.
