ශ්රියානි විජේසිංහ –
රතිඤ්ඤා අනතුරු වැඩි වශයෙන් සිදුවන්නේ එහි සේවා නූලේ දිග ප්රමාණය (වෙඩිබෙහෙත් තැවරූ නූල) නිසි ප්රමිතියෙන් යුක්ත නොවීම හේතුවෙන් යැයි කොළඹ ජාතික රෝහලේ කායික රෝග විශේෂඥ වෛද්ය වරුණ ගුණතිලක සඳහන් කරයි.
අන්තර්ජාතික ප්රමිතියට අනුව රතිඤ්ඤාවල සේවා නූල අවම වශයෙන් අඟල් දෙකකින් යුක්ත විය යුතු නමුත් මෙරට භාවිත කරන බොහෝ රතිඤ්ඤාවල සේවා නූල සෙන්ටි මීටර් 3 – 4 ප්රමාණයෙන් යුතු බව විශේෂඥවරයා පෙන්වාදේ.
මේ නිසා රතිඤ්ඤා පත්තු කිරිමේදී ඇසට, අතේ ඇඟිලිවලට සහ මුහුණ සිදුවන අනතුරු වැඩිවීමට හේතුව වී ඇතැයි ඔහු පවසා සිටියි.
විශේෂයෙන්ම නිසි ප්රමිතියෙන් තොර රතිඤ්ඤා අතේ තබාගෙන දැල්වීම හේතුවෙන් ඒවා ක්ෂනිකව දැල්වී විසිකිරීමටත් කලින් අතේ පුපුරා යාම සිදුවිම හේතුවෙන් ඇඟිලිවලට, ඇසට සහ මුුහුණට හානි සිදුවන බව වෛද්ය ගුණතිලක පෙන්වාදේ.
විශේෂයෙන්ම උත්සව සමය තුළ මත්පැන් පානය කර ඇතැම් පුද්ගලයින් රතිඤ්ඤා අතේ තබාගෙන දැල්විමේදී ඔවුන් ට එය විසිකිරීම ක්ෂණිකව සිදු නොකිරීම හේතුවෙන් අතේම පත්තුවන අවස්ථාවන් වාර්තා වී ඇති බවද හෙතෙම පවසා සිටියි.
රතිඤ්ඤා ඇතුළු ගිනිකෙළි ප්රමිතිය සකස් කිරිමට සෞඛ්ය අමාත්යංශයේ අවධානය යොමු වුවද එය සකස් කිරීම ක්ෂණිකව කළ නොහැකි බවත් ඒ සඳහා තවත් කාලයක් ගත වනු ඇති බැවින් රතිඤ්ඤා අනතුරු අවම කිරිම සඳහා පාරිභෝගිකයින් ලෙස අපට ක්ෂණිකව කළ හැක්කේ ඒවා මිලදි ගැනීමේදී ජාත්යන්තර ප්රමිතියට අනුකූලව පවතින්නේද යන්න සොයා මිලදී ගැනීම පමණක් බවත් වෛද්ය වරුණ ගුණතිලක කියයි.
