හැටන් රංජිත් රාජපක්ෂ –
කොත්මලේ ගැරඩි ඇල්ල ප්රදේශයේදි 23 දෙනෙකුගේ ජීවිත අහිමි කරමින් සහ තවත් විශාල පිරිසකට තුවාල සිදු වූ ලංගම බස් රථය සම්බන්ධයෙන් සොයා බැලීමට මෝටර් රථ කොමසාරිස් ජෙනරාල්වරයා විසින් පත් කල කමිටුවේ නිළධාරින් අද (15) දින කොත්මලේ පොලිසිය වෙත පැමිණ අනතුරට පත් බස් රථය සම්බන්ධයෙන් විධිමත් පරික්ෂණයක් ආරම්භ කර තිබේ.
මෝටර් රථ දෙපාර්තමේන්තුවේ සහතාර කොමසාරිස් (තාක්ෂණ) අරුණ බැසිලේගමගේ නායකත්වයෙන් යුත් මෙම කමිටුවට ප්රධාන මෝටර් රථ පරික්ෂක ප්රභාත් රාජදේව, නුවරඑලිය දිස්ත්රික් මෝටර් රථ පරික්ෂක ජාලිය බණ්ඩාර ඇතුලු නිළධාරින් 06 දෙනෙකු සහභාගි වී ඇත.
කතරගම ලංගම ඩිපෝවේ කාර්මික අංශයේ නිළධාරින්ගේද සහයෝගය ඇතිව අනතුරට පත් බස් රථය පණ ගන්වා බස් රථයේ තිරිංග පද්ධතිය රෝද සහ අනෙකුත් අමතර කොටස් සම්බන්ධයෙන් විශේෂ අවධානය යොමු කර මෙම විධිමත් පරික්ෂණය සිදු කරනු ලැබු තිබේ.
නුවරඑලිය කොට්ටාසභාර නියෝජ්ය පොලිස්පති ප්රියන්ත ද සිල්වා, නුවරඑලිය කොට්ටාසභාර ජේෂ්ඨ පොලිස් අධිකාරි අනුරුද්ධ හක්මණ, කොත්මලේ පොලිසියේ ස්ථානාධිපති ඇතුලු කාර්යමණ්ඩලයේ පූර්ණ සහයෝගය ඇතිව මෝටර් රථ දෙපාර්තමේන්තුවේ සහකාර කොමසාරිස් (තාක්ෂණ) විසින් අනතුරට පත් බස් රථය සම්බන්ධයෙන් විධිමත් පරික්ෂණයක් පවත්වනු ලැබ ඇත.
අනතුරට පත් බස් රථය සම්බන්ධයෙන් සිදු කළ විධිමත් පරික්ෂණයෙන් පසු මාධ්යට අදහස් දැක්වූ මෝටර් රථ දෙපාර්තමේන්තුවේ සහතාර කොමසාරිස් (තාක්ෂණ) අරුණ බැසිලේගම කියා සිටියේ බස් රථ අනතුර සම්බන්ධයෙන් මූලික විමර්ශනයක් නුවරඑලිය දිස්ත්රික් මෝටර් රථ පරික්ෂකවරයා විසින් සිදු කිරිමෙන් පසු ඒ පිලිබඳව විධිමත් පරික්ෂණයක් සිදු කර වාර්තාවක් ලබා දෙන ලෙස මෝටර් රථ කොමසාරිස් ජෙනරාල්වරයා තමන් වෙත වගකීම් පැවරූ වගය.
ඒ අනුව අනතුර සම්බන්ධයෙන් විධිමත්ව සිදු කළ පරික්ෂණ වාර්තාව ඉදිරියෙදි නුවරඑලිය මහේස්ත්රාත් අධිකරණයටත්, මෝටර් රථ කොමසාරිස් ජෙනරාල්වරයාටත්, පොලිසියටත් ලබා දෙන බව මෝටර් රථ දෙපාර්තමේන්තුවේ සහකාර කොමසාරිස් (තාක්ෂණ) අරුණ බැසිලේගම කියා සිටියේය.
මෙම අනතුර සම්බන්ධයෙන් මූලික විමර්ශනයක් සිදු කල නුවරඑලිය දිස්ත්රික් මෝටර් රථ පරික්ෂක ජාලිය බණ්ඩාර මහතා බස් රථයේ රියදුරාට නින්ද යෑම හේතුවෙන් මෙම අනතුර සිදු වූ බවට නිගමනය කර තිබුණි.
එම පරික්ෂණ කණ්ඩායම බස් රථ අනතුර සිදු වූ ස්ථානයේද නිරික්ෂණ චාරිකාවක නිරතවිය.
