මධ්යම පළාත් සෞඛ්ය සේවා කාර්යාලයේ සිදුව තිබෙන රුපියල් මිලියන 50 කට අධික වංචාවක් සිදු කළ බව කියන එම කාර්යාලයේ ගිණුම් අංශයේ ලිපිකාරිනියන් දෙදෙනෙකුගේ සේවය වහාම ක්රියාත්මක වන පරිදි අත්හිටුවීමට පළාත් සෞඛ්ය අමාත්යාංශය පියවර ගෙන තිබේ.
අදාළ වංචාව සම්බන්ධයෙන් අපරාධ පරීක්ෂණ දෙපාර්තුමේන්තුවටද පැමිණිල්ලක් සිදු කිරීමෙන් පසු එම අංශ නිලධාරීන් ඊයේ (14) ඒ සම්බන්ධයෙන් විශේෂ පරීක්ෂණයක් ආරම්භ කර ඇත.
පළාත් සෞඛ්ය අමාත්යාංශ අභ්යන්තර විගණන අංශය මගින් කළ පරීක්ෂණයකදී අදාළ වංචාව සම්බන්ධ තොරතුරු අනාවරණය වූ බව මධ්යම පළාත් ආණ්ඩුකාර නීතීඥ ලලිත් යූ ගමගේ කීය.
සිද්ධියට සම්බන්ධ කාන්තාවන් දෙදෙනා විදේශගත වීම වැලැක්වීම පිණිස අවශ්යය පියවර ගන්නා ලෙස මධ්යම පළාත් ප්රධාන ලේකම්වරයාට කළ දැනුම් දීමකට අනුව ඒ සම්බන්ධයෙන් ක්රියාකර තිබෙන බවද ආණ්ඩුකාරවරයා පැවසුවේය.
වසර පහක පමණ කාලයක සිට මෙම මූල්ය වංචාව සිදුකර තිබෙන බව දැනට සිදුකර තිබෙන පරීක්ෂණ මගින් හෙළිව තිබේ.
සෞඛ්ය ක්ෂේත්රයේ රැකියාවන්ගේ නියුක්ත නොවන පුද්ගලයින්ගේ නමට ව්යාජ ගිණුම් සකස්කර මොවුන් කළක පටන් එම ගිණුම් වලට මුදල් බැරකර තිබෙන බව පරීක්ෂණ මගින් අනාවරණය වී ඇත.
පළාත් සභාවට අයත් අමාත්යාං වල මුදල් වැය කිරීම් නිසි ලෙස විගණනයට ලක්වූවේ නම් මේ ආකාර වංචාවක් දීර්ඝ කාලයක් තිස්සේ කළ නොහැකි බව ආණ්ඩුකාරවරයා පවසයි.
මහනුවර දිස්ත්රික් සෞඛ්ය සේවා අධ්යක්ෂ කාර්යාලයට පොලිස් ආරක්ෂාව යොදා එහි ගිණුම් අංශයට මුද්රා තබා ඇත.
