අද සවස 7.10ට පමණ කොළඹ හලාවත පාරේ ගල්කන්ද හන්දිය අසල දී තරුණයෙකුගේ හිසට වෙඩි තබා ඝාතනය කර තිබේ.
මෙම තරුණයා යතුරුපැදියක ගමන් කරමින් සිටිය දී ස්කූටරයකින් පැමිණි පුද්ගලයින් දෙදෙනෙක් පිස්තෝලයකින් මෙම වෙඩි තැබීම සිදුකර ඇත.
ඝාතකයින් දෙදෙනා වෙඩි ප්රහාරය එල්ල කිරීමෙන් අනතුරුව බෝලවලාන දෙසට පලාගොස් ඇත.
වෙඩි තැබූ ස්ථානයේ තිබී පිස්තෝල උණ්ඩයක් හමුවූ බව මීගමුව පොලිසිය පවසයි.
මේ වනතුරුත් කුමන කාරණයක් මුල් කරගෙන මෙම ඝාතනය සිදුවූයේ ද යන්න පිළිබඳව අනාවරණය වී නැත.
මීගමුව පොලිසිය වැඩිදුර පරීක්ෂණ පවත්වයි.
