මාර්ග ගත ක්රමවේදය ඔස්සේ OPAC-CMC ( Online Planning Approval and Clearance) ගොඩනැඟිලි සැලසුම් සහ මිනින්දෝරු සැලසුම් අනුමත කිරීමේ නව වැඩසටහනක් ජාතික ආරක්ෂාව පිළිබඳ ජනාධිපති ජ්යෙෂ්ට උපදේශක සහ ජනාධිපති කාර්යය මණ්ඩල ප්රධානි සාගල රත්නායක සහ බස්නාහිර පළාත් ආණ්ඩුකාර රොෂාන් ගුණතිලක ගේ ප්රධානත්වයෙන් හෙට (01) දින පෙ.ව 10.30 ට කොළඹ මහ නගර සභා පරීශ්රෙය් දී පැවැත්වීමට නියමිතය.
ජනාධිපති රනිල් වික්රමසිංහගේ සංකල්පයකට අනුව ජනාධිපති කාර්ය සාධක බලකායේ මගපෙන්වීමෙන් කොළඹ නාගරික කොමසාරිස්වරිය ජේ. එම් භද්රානි ජයවර්ධන ගේ උපදේශකත්වයෙන් කොළඹ මහා නගර සභාවේ නගර සැලසුම් අධ්යක්ෂ අනූජ මෙන්ඩිස් යටතේ ක්රියාවට නැංවෙන මෙම මාර්ගගත ක්රමය ඔස්සේ නගර වැසියන්ට අවශ්ය ඉදිකිරීම් බලපත්ර, ඉඩම් අනුබෙදුම්/ඒකාබද්ධ කිරීමේ බලපත්ර වලට අදාල අයදුම්පත් සහ අනෙකුත් අදාල ලියකියවිලි https://Apply.colombo.mc.gov.lk web යන වෙබ් අඩවිය ඔස්සේ අයැදුම් කළ හැකිය.
ඒ සඳහා අදාල වෙබ් අඩවියට පිවිස තමන්ගේම ගිණුමක් ඇරැඹුමෙන් පසු අවශ්ය මිනින්දෝරු සැලසුම් අනුමත කිරීමට, ඉදිකිරීම් බලපත්ර ලබා ගැනීමට, ඉදිකිරීම් බලපත්ර අලුත් කිරීමට සහ අනුකුලතා සහතික නිකුත් කිරීමට අවශ්ය ලියකියවිලි කොළඹ මහා නගර සභාව වෙත ඉදිරිපත් කිරීමට හැකි වේ.
තම අයදුම්පත සමඟ ලබා දිය යුතු ජලප්රවාහන හා මලනාලිකා, ඝන අපද්රව්ය කලමනාකරණ, ගිනි නිවීමේ දෙපාර්තමේන්තුවේ නිශ්කාශන සහ විථි රේඛා සහතික වලට අවශ්ය ලිපිලේඛනද මාර්ගගත ක්රමය ඔස්සේ යොමු කළ හැකි අතර පැය 48 ක්ඇතුළත එම ලිපිලේඛන පිළිබඳ මාර්ගගත ක්රමය ඔස්සේම අයදුම්කරු දැනුම්වත් කෙරේ. ගෙවීම් කටයුතු ද මෙම ක්රමය යටතේම කළ හැකි වේ.
මුදල් ගෙවීමෙන් දින 7 ක් ඇතුළත අදාල සංවර්ධන බලපත්රය සහ අනුමත ගොඩනැගිලි සැලසුම් අයදුම්කරුවන් වෙත ලැබෙයි
