බංගලාදේශය සහ ශ්රි ලංකාව අතර පැවැත්වෙන දෙවැනි ටෙස්ට් තරගයේ දෙවැනි දිනය නිමා වී ඇත.
ශ්රි පළමු ඉනිම විශිෂ්ටය. ශ්රී ලංකා කණ්ඩායම ලකුණු 531 කි. බංගලාදේශ කණ්ඩායම ද දිනයේ අවසන් කාර්තුවේ අභියෝගයකින් තොරව පන්දුවට පහර දෙමින් සිටී. එහෙත් එක් කඩුල්ලක් දැවී ගොස්ය. ආරම්භක පිතිකරු මහමුදුල් හසන් ජෝයි ලහිරු කුමාරගේ පන්දුවක් කෙලින්ම කඩුල්ලේ දැවටීමෙන් ලකුණු 21කට දැවී ගොස්ය. අනෙක් අන්තයෙන් සකීර් හසන් පහසුවෙන් පිත්ත හසුරුවමින් පන්දු 39කට ලකුණු 28ක් ලබාගෙනය. ඒ ලකුනු 28 හතරේ පහර 05කි. නයිට්වොච්මන් ලෙස මේ තරගයේ දීත් පිටියට පැමිණි ටයිජුල් ඉස්ලාම් ලකුනු නොලබා කඩුල්ලේ රැඳී සිටී.
ශ්රි ලංකා පළමු ඉනිම ටෙස්ට් ඉනිමක පූර්ණත්වය ප්රකාශ කරන ලකුනු 531කි. එහෙත් ශතක නැත. මින් පෙර ලෝකයේ එකම ශතකයක්වත් නොමැතිව කණ්ඩායමක් ඉනිමක වැඩිම ලකුණු වාර්තා කර තිබුණේ ලකුණු 524කි. ඒ වර්ෂ 1976 දී ඉන්දියාව නවසීලන්තයට එරෙහිවය. අද ශ්රි ලංකා කණ්ඩායම ඒ ලෝක වාර්තාව අභිවබා ගියේය.
ලංකාවේ ටෙස්ට් ක්රීඩකයා කමිඳු මෙන්ඩිස්දැයි සිතන තරමට කමිඳුගේ ක්රීඩා විලාශය විශිෂ්ටය. කමිඳු නොදැවී ලකුණු 92කි.
මේ ඉනිම අප ශතක අත්හල ඉනිමකි. ඉතාම පැහැදිලි ලෙස ශතක 3ක් මගහැරුණේය. සමස්ථයක් ලෙස ගතහොත් අප විශ්වාස කරනනේ අත්හැරුණු ශතක ප්රමාණය 4ක් බවය. කුසල් නොසැලකිල්ල නිසා 93කට දැවී ගියේය. දිමුත් කෑදරකම නිසා ලකුණු 86කට දැවී ගියේය. ධනංජය තේරුම් ගත නොහැකි අතපසුවීමක් හේතුවෙන් 70කට දැවී ගියේය. අනෙක් අන්තයේ සිටි අසිත පෙරේරාගේ ගොබ්බකම නිසා ඉනිම අවසන් වූයෙන් කමිඳු මෙන්ඩිස්ට ලකුණු 92කට ඉනිම අත්හිටුවන්නට වූයේය.
ශතක නැත. කමිඳුට අවාසනාව විසින් අත්හැරුනේ විශිෂ්ට ලෝක වාර්තාවකි. අනුයාත ඉනිම තුනක දී ශතක වාර්තා කිරීමේ සුපිරි ක්රීඩකයන් අතරට යෑම අසිත ප්රනාන්දුගේ අවිචාරය නිසා මගහැරී ගියේය. එහෙත් කමිඳු ලෝක වාර්තාවක් සම කළේය. ඒ සිය ටෙස්ට් ජීවිතයේ මුල්ම ඉනිම් හතර තුළ ලකුණු 419ක් ලබා ගත් ජාවෙඩ් මියන්ඩාඩ්ව සම කරමිනි. කමිඳුගේ මුල් ටෙස්ට් ඉනිම් හතරේ ලකුණු ගණනත් ලකුණු 419කි.
අද තරගය
අද තරගය ආරම්භ වන්නේ ලකුණු 314කට කඩුළු 04ක් දැවී ගොස් තිබියදී ය. දිනේෂ් චන්දිමාල් සහ ධනංජය ද සිල්වා පන්දුවට පහර දෙමින් සිටියහ.
දිනයේ මුල්ම කඩුල්ල ලෙස දැවී යන්නේ දිනේෂ් චන්දිමාල්ය. චන්දිමාල් 5වන කඩුල්ල ලෙස දැවී යනවිට ශ්රි ලංකා ලකුණු පුවරුව ලකුණු 375කි. අද දිනය තුළ ධනංජය සහ චන්දිමාල් ලකුණු 61 එකතු කර තිබිය දී ශකීබ් අල් හසන්ට ගොදුරු වූයේය. චන්දිමාල් දැවී යන්නේ ලකුණු 59කට ය. ඊට හතරේ පහර 5ක් සහ හයේ පහර 2ක් අතුළත් විය. පස්වන කඩුල්ල වෙනුවෙන් චන්දිමාල් සහ ධනංජය අතර ඇතිවුන සම්බන්ධතාවය ලකුණු 86 කි.
අනතුරුව කමිඳු පිටියට පැමණියේය. ඒ අංක 7 පිතිකරු ලෙසය. මෙම සංචාරයේ දි ශ්රී ලංකා කණ්ඩායමේ සාර්ථකත්වයට පදනම දැමූ කමිඳු මෙන්ඩිස් සහ ධනංජය ද සිල්වා අතර යළිත් සාර්ථක සම්බන්ධතාවයක් ගොඩනැගෙනු ඇතැයි සිතිනි. එහෙත් ධනංජය ලකුණු 70 දි ඛලීඩ් අහමඩ්ගේ පන්දුවකට කඩුල්ල මුවා කිරීමේ වරදට හසු වූයේය. හයවන කඩුල්ල බිඳී යන්නේ ලකුණු 411 දී ය.
කමිඳු මෙන්ඩිස් නැමැති පිතිකරණ යෝධයාගේ පෞරුෂය මතුවන්නේ එතැන් සිටය. ඔහු සමග එක්වන ප්රභාත් ජයසූරිය හත්වන කඩුල් වෙනුවෙන් ලකුණු 65ක සම්බන්ධතාවයක් ගොඩගනන්නේය. ප්රභාත් ජයසූරිය වටිනා ලකුණු 28ක් රැස් කළේය. ලකුණු 476 දී 7වන කඩුල්ල දැවී යන්නේය.
අනතුරුව විශ්ව ප්රනාන්දු කමිඳුට එක් වූයේය. විශ්ව ලකුනු 11ක් ලබා සිටිය දී දුවද්දී දැවි යෑමකට හසු විය. 8වන කඩුල්ල දැවී යන්නේ ලකුණු 497 දී ය. මේ වනතුරුත් කමිඳු මෙන්ඩිස් පන්දුවට පහර එල්ල කළේ අන්ත දෙක හුවමාරු කරගනිමිනි. ඒ වනවිටත් කමිඳුගේ ලකුණු සංඛ්යාව ලකුණු 64කි. අනතුරුව ඔහු අන්තයක් ආරක්ෂා කිරිමේ කොටස දැඩිව අරම්භ කරන්නේය. විශ්ව ප්රනාන්දුගෙන් පසුව පිටියට එන ලහිරු කුමාර ලකුණු 06කට දැවී යන විට කමිඳු 79කි. මුලු ලකුණු ගණන ලකුණු 518කි.
මේ අවස්ථාව වනවිට අවසන් පිතිකරුලෙස පැමිණෙන විශ්ව ප්රනාන්දුට පන්දුවට මුහුණ දීමේ අවස්ථාව අඩු කරමින් සමස්තය තමන්වෙත පවරා ගන්නා කමිඳු අනතුරුව දැවැන්ත ප්රහාරයකට බංගලි පන්දු යවන්නන් ලක් කරන්නේය. අසිත ප්රනාන්දු තිබුණේ අනෙක් අන්තයේ සිට බලා හිඳීම පමණි. කමිඳු වේගයෙන් ලකුනු රැස් කළේ දැවැන්ත හයේ පහර දෙකකුත් සමගය.
158 වැනි ඕවරයේ අවසන් පන්දුවට අන්තය මාරු කරගැනීමේ අභිලාෂය හැර අසිතට වෙනත් සිහියක් නොමැති අවස්ථාවක පන්දු යවන්නාගේ අන්තයේ සිටි අසිත ප්රනාන්දු දුවද්දී දැවී යෑමට හසුවන්නේය. කමිඳු නොදැවී ලකුණු 92ක් ලබාගෙන ඉනිම අහවර කරන්නේ පිට පිට තුන්වන ශතකය දකිමිනි.
බංගලාදේශය වෙනුවෙන් ශකීබ් අල් හසන් ලකුණු 110ට කඩුළු 03ක්, හසන් මහමුද් ලකුනු 92ට කඩුලු 02ක්, මෙහිදි හසන් මිරාස් ලකුණු 146ට කඩුල්ලක්, ඛලීඩ් අහමඩ් ලකුනු 71ට කඩුල්ලක් ලැබුවේය.
බංගාලදේශ පළමු ඉනිම දිනයේ අවසන් කාර්තුවේ අවසන් පැයෙහි ආරම්භ වූයේය. ශ්රි ලංකා ඉනිමේ දී බංගලාදේශ පන්දු යවන්නන් අත් දුටු අත්දැකීම දිනය තුළ ශ්රි ලංකා වේග පන්දු යවන්නෝ බංගලි පිතිරුවන්ගෙන් ලබාගත්හ. එක්දින තරගයක විලාශයෙන් බංගලාදේශ පිතිකරුවන් පහසු ඉරියව්වක සිට පන්දුවට පහර එල්ල කළහ. එහෙත් ලකුණු 55කට ඔවුන්ගේ එක් කඩුල්ලක් දැවී ගොස්ය.
මේ තණතීරුව සම්බන්ධව ඊයේ දිමුත් කීවේ එය අවසන් දින දෙක හෝ තුන තුල පන්දු යවන්නන්ට වාසි සහිතව හැසිරෙනු ඇති බවය. මේ වනවිට තරගය පාලනය කළ හැකි තරම් ලකුණ සිටින ශ්රි ලංකා කණ්ඩායම හෙට හැසිරෙන ආකාරයෙන් තරගයේ මූලික ඉරණම විසඳෙනු ඇත.
