ශ්රියානි විජේසිංහ –
අතුරුගිරිය ප්ර දේශයේදී අද සිදු වූ වෙඩි තැබීමෙන් තුවාල ලබා කොළඹ ජාතික රෝහලට ඇතුළත් කල ගායන ශිල්පිනී කේ. සුජීවා අධිසත්කාර ඒකකයේ ප්රතිකාර ලබමින් සිටින බව රෝහල් ආරංචි මාර්ග සඳහන් කරයි.
වෙඩි වැදීමෙන් ඇයගේ වම් පාදයේ දණහිස පහල කොටසේ අස්ථි බිදීමක් සිදුව ඇති බවත් කලවා ප්ර දේශයට හානි සිදුව ඇති බවත් ලංකාසර කළ විමසුමකදී රෝහල් ප්රකාශකයෙකු පැවසුවේය.
හදිසි ප්රතිකාර ඒකකයේ ප්රතිකාර ලැබූ සූජීවාට දහවල් 2.30ට පමණ සැත්කමක් කිරීම ආරම්භ කර ඇත. එය සවස 6.00 වන තෙක්ම අවසන්ව නොතිබු බව රෝහල් ආරංචි මාර්ග පවසයි.
විශේෂඥ ශල්ය වෛද්යවරුන්ගෙන් සමන්විත කණ්ඩායම් හතරක් ශල්යකර්මයට සහභාගි වී ඇති බවද එම ආරංචි මාර්ග වැඩිදුරටත් පවසා සිටියි.
පාදයේ තුවාලය තරමක් බරපතල වුවත්, අස්ථි පසාරුවී නොමැති බැවින්. කකුල කපා දැමීමෙන් තොරව බේරාගත හැකියයි විශේෂඥ ශල්ය වෛද්යවරු විශ්වාසය පළ කරන බවද වාර්තාවේ.
කෙසේ වෙතත් ඇයට දීර්ඝකාලීන ප්රතිකාර අවශ්ය වනු ඇතැයි රෝහල් ආරංචි මාර්ග පවසයි.
