සූරියවැව නුවන් ජයසේකර –
“කුඩාවැලලේ අයියා“ නැමැත්තාගේ හෙරොයින් හම්බන්තොට දිස්ත්රික්කය හා මාතර දිස්ත්රික්කය පුරා තොග වශයෙන් බෙදා හැරි ප්රධාන පුද්ගලයා තංගල්ල කොට්ඨාස දුෂණ මර්ධන ඒකකයේ නිළධාරීන් විසින් ඊයේ (12) සවස තංගල්ල කුඩාවැල්ලේදී අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ කුඩාවැල්ල පදිංචි 30හැවිරිදි “උක්කුවා“ නැමති අන්වර්ථ නාමයේන් හදුන්වන ත්රි රෝද රථ රියදුරෙකි.
සැකකරු සම්බන්ධයෙන් තංගල්ල කොට්ඨාස දූෂණ මර්ධන ඒකකයේ නිළධාරීන්ට ලද පුද්ගලික තොරතුරකට අනුව මෙම වැටලිම සිදුකර තිබේ.
වැටලිම සිදුකරන අවස්ථාවේ සැකකරුගේ සන්තකයේ තිබී හෙරොයින් මත් ද්රව්ය ග්රෑම් 19යි මිලි ග්රෑම් 240ක් සමග ජාවාරම සදහා යොදාගත් ජංගම දුරකතනය අත්අඩංගුව ගෙන තිබේ.
සැකකරුගෙන් සිදුකල මුලික ප්රශ්න කිරීමේදි සැකකරු පවසා ඇත්තේ එහු මීට පෙර කරවල වෙළෙඳාමක් සිදුකළ බවත්, තමන්ට ඉන් දැඩි පාඩුවක් සිදුවුණ බවත්ය.
එම හේතුව නිසා “කුඩාවැල්ලේ අයියා“ නැමැත්තා සමග සම්බන්ධ වි වසරක පමණ කාලයක සිට මෙලෙස හෙරොයින් මත් කුඩු තොග වශයෙන් බෙදාහැරිම සිදුකල බව ඔහු කීවේය.
සැකකරුගෙන් ලද තොරතුරු ඔස්සේ මෙහි ප්රධාන ජාවාරම් කරු අත්අඩංගුවට ගැනීමට විමර්ශන අරඹා තිබේ. අත්අඩංගුවට පත් සැකකරු වැඩිදුර විමර්ශන කටයුතු සදහා තංගල්ල මුලස්ථාන පොලිසියට ඉදිරිපත් කර ඇත. සැකකරු තංගල්ල මහේස්ත්රාත් අධිකරණයට ඉදිරිපත් කිරිමට නියමිතය.
තංගල්ල කොට්ඨාසභාර ජ්යෙෂ්ඨ පොලිස් අධිකාරී කේ.බි.කීර්තිරත්නගේ උපදෙස් පරිදි තංගල්ල කොට්ඨාස දූෂණ මර්ධණ ඒකකයේ ස්ථානාධිපති උප පොලිස් පරික්ෂක ජයවිර, පොලිස් සැරයන්වරුන් වන (70223)රසික, (71452) ඉන්දික, (72939) සංජය, 75587) අමිල හා පොලිස් කොස්තාපල් වරුන් වන (84229) සමන්, (91504) සදරුවන් ඇතුළු නිළධාරීන් කණ්ඩායමක් විසින් මෙම වැටලිම සිදුකර සැකකරු අත්අඩංගුවට ගෙන තිබේ.
