ඉදුනිල් කහටපිටිය –
කරඳගොල්ල මධ්යම කුකුළු පර්යේෂණ ස්ථානයෙන් කුකුල් පැටව් සහ බිත්තර මිල දී ගැනීමට යන අයෙකුට භාණ්ඩ සඳහා කරදගොල්ලේදී බිල් පතක් ලබාගෙන එහි මුදල් ගෙවීමට ගන්නෝරුව ට යෑමට සිදුව තිබේ.
අනතුරුව ගන්නෝරුවේ දී මුදල් ගෙවූ බවට සහතික කළ බිල්පත රැගෙන නැවත කරදගොල්ල ට ගොස් කුකුළු පැටව් හෝ බිත්තර ගැනීමට සිදුව ඇත.
දළ වශයෙන් නුවර පදිංචි අයෙකු නම් ඔහුට හෝ ඇයට පළමුව කුණ්ඩසාලේ කරදගොල්ල ට යාමටත් නැවත ගන්නෝරුවට යාමටත් යළිත් කරදගොල්ල ට යාමටත් කිලෝමීටර් 40 ක පමණ දුරක් ගමන් කිරීමට සිදු වෙයි.
සත්ත්ව නිෂ්පාදන හා සෞඛ්ය දෙපාර්තමේන්තුවේ පශු වෛද්ය පර්යේෂණ ආයතනය යටතේ පාලනය වන කරඳගොල්ල මධ්යම කුකුළු පර්යේෂණ ස්ථානයේ සිදුවන බව කියන අක්රමිකතාවය න් සම්බන්ධයෙන් පරීක්ෂණයක් සිදු කිරීමෙන් පසු ඒ සම්බන්ධ විධිමත් ක්රියාමාර්ග ගැනීමට වෙනුවට මුදල් බාර ගැනීමේ කටයුතු පමණක් ගන්නෝරුවේ පිහිටි පශු වෛද්ය පර්යේෂණ ආයතනය වෙත යොමු කිරීමෙන් මෙම ගැටලුව මතුවී ඇත.
කරඳගොල්ල මධ්යම කුකුළු පර්යේෂණ ස්ථානයේ කුකුළු පැටව් රැක්කවීමේ දී පොත්පත්වල සඳහන් සංඛ්යාවට වැඩි බිත්තර සංඛ්යාවක් රක්කවා හොර පාරෙන් කුකුළු පැටව් විකිණීමේ ජාවාරමක් ක්රියාත්මක වන බවට ලද තොරතුරු මත සිදුකළ පරීක්ෂණයකින් පසු ආයතනය ගෙන තිබෙන එකම තීරණය මුදල් බාර ගැනීමේ ක්රියාවලිය එම ස්ථානයෙන් ඉවත් කර ගන්නෝරුව පශු වෛද්ය පර්යේෂණ ආයතනය වෙත ගැනීම පමණක් බව අභ්යන්තර ආරංචි මාර්ග කියයි.
මේ තත්ත්වය තුළ අවසානයේ පීඩාවට පත්ව සිටින්නේ සේවා ලබා ගැනීමට පැමිණෙන පාරිභෝගිකයින් බවත් සේවකයෝ චෝදනා කරති.
අදාළ ස්ථානයේ බිත්තර නියමිත සංඛ්යාවට වඩා වැඩි ප්රමාණයක් බිත්තර රැක්කවීම නිසා ඒවායින් බිහිවන පැටවු දුර්වල වීමේ සම්භාවිතාවක් වාර්තා විය. එහෙත් එම අකටයුතු සම්බන්ධව පුද්ගලයින් කවුරුන් ද යන්න සොයා ඒ සම්බන්ධයෙන් ක්රියා කරනු වෙනුවට මුදල් අය කිරීමේ ක්රියාවලිය පමණක් සේවා සපයන ස්ථානයේ සිට කිලෝ මීටර් 25 ක් පමණ දුරකට ගෙන මොන ගොං වැඩක් දැයි සේවකයෝම විමසති.
පශු වෛද්ය පර්යේෂණ ආයතනය මගින් සපයන විවිධ සේවා සඳහා මුදල් අය කිරීමේ වගකීම එහි සරප් වෙත පවරා තිබිය දී පසුගියදා එහි සිදු වූ රුපියල් කෝටි ගණනක මූල්ය වංචාවක් අනාවරණය විය.
ඒ සම්බන්ධයෙන් මේ වනවිට අපරාධ පරීක්ෂණ දෙපාර්තමේන්තුව පරීක්ෂණයක් ආරම්භ කර තිබේ.
