-
නීතියේ මූලික දේවත් දන්නේ නැද්ද මේ අමාත්යාංශවල අය… මම නීති උපදෙස් නොමිලේ ඔබලාට බලා දෙන්නම්…. අමති සිරිපාල තවදුරටත් කියයි!
අද ඇතිවී තිබෙන ක්රිකට් ප්රශ්නයට විසඳුම දෙශපාලන වාසි ගැනීමට එකිනෙකා කොටවමින් ආවේගශීලී කතා කීම නොව වැඩපිළිවෙළක් සකස් කිරීම බවත් ජනාධිපතිවරයා දැනටමත් එම වැඩපිළිවෙළ සකස් කර ඇති බවත් චිත්රසිරි කමිටුවාර්තාව ඉදිරිපත් කරමින් නිමල් සිරිපාල ද සිල්වා ඇමතිවරයා පැවසුවේය.
මේ කමිටු වාර්තාව රජය වෙනුවෙන් ඉදිරිපත් කළේ නිමල් සිරිපාල ද සිල්වාය. කෙසේ වෙතත් මේ වාර්තාව ඉදිරිපත් කිරීමට එය ලබා දී තිබුණේ ජනාධිපතිවරයා විසින් ක්රිකට් පාලක මණ්ඩලය විසුරුවීම සහ අනු කමිටුව පත් කිරීම සම්බන්ධව විමසිමට පත් කල කැබිනටට් අනු කමිටුවෙ සභාපති අලි සබ්රි වෙතය.
ක්රීඩා ඇමතිවරයා ද දැඩි විවේචනයට සහ හාස්යයට ලක් කරමින් කතා කළ නිමල් සිරිපාල ද සිල්වා ඇමතිවරයා ක්රිකට් පාලක මණ්ඩලයේ සාමාජිකයන්ට එරෙහිව ගත යුතු ගුවන් ගමන් තහනම සහ ගිනුම්වලින් මුදල් ඉවත් කිරීම වළක්වා ගැනීම පිළිබඳව පාර්ලිමේන්තුවේ දී අදහස් දැක්වූ ක්රීඩා ඇමතිවරයාට දැඩි ප්රහාරයක් එල්ල කරමින් පැවසුවේ අමාත්යාංශ කරන්නේ නම් රටේ මූලික නීතියවත් දැනගත යුතු බවය.
“ ක්රිකට්ව දේශපාලන බලපෑම් ඉවත් කිරිමේ වැඩපිළිවෙළ ගැන අපි කතා කරනවා.. මෙතන කිව්වා ක්රිකට් පාලක මණ්ඩලයේ රට යන අය නවත්වන්න ඕන කියලා. මේ රටේ නීතියක් තියනවා. ඉමිග්රේෂන් එකට පොලිසියෙන් ලියුමක් දැම්මා කියලා නතර කරන්නේ නෑ විදේශ ගමන් යන එක. උසාවියෙන් ඕඩර් එකක් ගන්න ඕන යම් කෙනෙක් පිටරට යන එක නවත්වන්නනම්.
මේ සරල දේ දන්නේ නැද්ද මේ අමාත්යාංශවල නීති නිලධාරීන්. නවත්වන්න ඕන නම් නඩුවක් ෆයිල් කරලා බී රිපෝට් එකක් අරන් මහේස්ත්රාත්වරයාට දන්වන්න ඕන මෙයාට යන්න දෙන්න එපා කියලා. මෙතන කියලා වැඩක් නෑ.
නීති විද්යාලයේ පළවෙනි අවුරුද්දේ ශිෂ්යයොත් මේක දන්නවා. කතානායක තුමාට බලයක් නෑ ඉමිග්රේෂන් එකට ඕඩර් එකක් දෙන්න මෙයා යන එක නවත්වන්න කියලා.
ඒ වගේමයි. ක්රිකට් බෝඩ් එකේ සාමාජිකයින් සල්ලි ඉවත් කිරීම වළක්වා ගන්නත් අපට ප්රතිපාදන නෑ. ඒ සඳහා යන්න ඕන නීති ක්රියාදාමයකට. උසාවියට යන්න ඕන. උසාවියෙන් ඕඩර් එකක් ගන්න ඕන සල්ලි ඉවත් කිරීම වළක්වා ගන්න. මේක නීතියේ සරල මූලධර්මයක්. ඒක හැමෝම දැනගන්න ඕන. නැතිනම් කාගෙන්වත් උපදෙස් ගන්න ඕන.
” ප්රශ්නයක් නෑ… මම ඒ උපදෙස් නොමිලේ ලබා දෙන්නම්.”.
ඒ වගේම පාර්ලිමේන්තු සම්ප්රදාය තුළ මේ විදිහට අධිකරණය විවේචනය කරන්න ඉඩක් නෑ. අපි අධිකරණය ඉතාම හෑල්ලුවට පත් කළා. මම ඒ ගැන නීතිඥවරයෙක් ලෙස අධිකරණයෙන් සමාව ඉල්ලනවා.”
