තුෂාරී කළුබෝවිල –
ගත වූ පැය 24 තුළ කලුතර දිස්ත්රික්කයේ මදුරාවල ප්රදේශයට මිලිමීටර් 248.50ක වර්ෂාපතනයක් ලැබී ඇතැයි කාලගුණ විද්යා දෙපාර්තමේන්තුව වාර්තා කරයි.
එසේ ම බදුරලියට මිලිමීටර් 214 ක ද ගල්කඩුවට මිලිමීටර් 172.50ක ද මොරපිටියට මිලිමීටර් 162.50ක ද මීගහතැන්නට මිලිමීටර් 155.50ක ද වැසි ලැබී ඇත.
කලුතර දිස්ත්රික්කයේ තවත් බොහෝ ප්රදේශවලට මිලිමීටර් 100 ඉක්මවූ වැසි ඇති වී තිබුණි.
ගාල්ල දිස්ත්රික්කයේ ද යක්කලමුල්ලට මිලිමීටර් 162ක ද බද්දේගම, වඳුරඹ, ඇතකඳුර ප්රදේශවලට මිලිමීටර් 100 ඉක්මවූ වැසි ද ඇති වී තිබේ.
දිවයිනට දකුණු දෙසට වන්නට මුහුදු ප්රදේශවල පවතින සුළං අභිසාරී කලාපය හේතුවෙන් මෙසේ අධික වැසි ඇති වූ බව කාලගුණ විද්යා දෙපාර්තමේන්තුව පවසයි.
මේ අතර ජාතික ගොඩනැගිල්ල පර්යේෂණ ආයතනය අනතුරු අඟවන්නේ අධික වැසි සහිත ප්රදේශවල නායයෑම් අවධානමක් පවතින බැවින් විමසිලිමත් වන ලෙස යි.
