බදු ගෙවීමේ සමාජ වගකීම ඉටු කරන ලෙසත් බදු ගෙවන ජනතාවගේ එකම රුපියලක් හෝ අපතේ නොයවා එය පොදු ජනතාවගේ සහ රටේ සුබ සිද්ධිය වෙනුවෙන් වැය කිරීම පිළිබඳ සහතික වන බවත් ජනාධිපති අනුර කුමාර දිසානායක අද පාර්ලිමේන්තුවේ දී සපථ කළේය.
ඔහු අවධාරණය කළේ බදු ගෙවීම පැහැර හැරීමේ සංස්කෘතිය වෙනුවට බදු ගෙවීමේ සංස්කෘතිය දක්වා අප මාරු වන්නේ නම් මේ රට නිසැකවම ගොඩ දැමිය හැකි බවය.
අද අයවැය කතාව පවත්වමින් ජනාධිපතිවරයා මේ බව පැවසුවේය.
බදු පරිපාලනයේ මානව අන්තර්ක්රියා අවම කරන අතරම කාන්දු වීම අඩු කිරීම සහ විනිවිද භාවය වැඩි කිරීම සඳහා බදු පද්ධති ඩිජිටල් කරණය කිරීම කෙරෙහි උත්සාහයන් අප දියත් කරනවා. ආර්ථිකය විධිමත් කිරීම සහ ආදායම් එකතු කිරීම වැඩිදියුණු කිරීමෙහි ලාවන පුලුල් ඩිජිටල් කරණයේ කොටසක් ලෙස ශ්රී ලංකාව කාසි හා නෝට්ටු රහිත ආර්ථිකයක් කරා ගමන් කරවනවා.
තාම අපි සාකච්ඡා කරමින් තිබෙනවා. ටිකක් රිදෙන තීන්දු ටිකක් ඒ ක්ෂේත්රයේ ඒවි. හැබැයි රටේ ආර්ථිකය ගොඩනගා ගැනීමත්, දූෂණය වළක්වා ගැනීමටත්, කාර්යක්ෂමතාවයටත් ඉතාමත්ම හොඳ තීන්දු. හැබැයි දූෂිතයන්ට මුදල් අයථා ලෙසද පරිහරණය කරන්නන්ට වත්කම් අයථා ලෙස එක්රැස් කරගෙන ඉන්න අයට එතනදි ටිකක් හානි වෙයි.
කමක් නෑනෙ… එහෙම කවුරුත් නෑනේ මෙතන… ( විපක්ෂය දෙස බලයි). නැතිනම් ප්රශ්නයක් නෑ. එහෙම ඉන්නවා නම් තමයි ප්රශ්නය තියෙන්නේ…
ඩිජිටල් ගනුදෙනු සඳහා පහසුකම් සැපයීම සහ මුදල් මත යැපීම අඩු කිරීම සඳහා විශේෂයෙන් වැට් බදු ලියාපදිංචි ව්යාපාරිකයන් තුළ ව්යාපාර පොයින්ට ඔෆ් සේල් යන්ත්ර ක්රියාත්මක කිරීමට අපි අපේක්ෂා කරනවා. කාසි සහ නෝට්ටු රහිත ආර්ථිකයක් බදු පැහැර හැරීම සහ නීති විරෝධී ක්රියා වැලැක්වෙනවා පමණක් නොව, ශ්රී ලංකාවේ ආර්ථික ස්ථාවරත්වයට සහ වර්ධනයට හේතුවන මූල්ය කාර්යක්ෂමතාවය ද වැඩි කරනවා.
රාජ්ය ආදායම උත්පාදනය කරන ඩිජිටල් කරනය හරහා සමස්ථ ඩිජිටල් ආර්ථිකය ආදායම් වැඩි කිරීම සඳහා සැලකිය යුතු ශක්තියක් ලබා දෙනු ඇතැයි අපේක්ෂා කරනවා.
කෙසේ වෙතත් මේ සඳහා වගකීමක් ඇත්තේ බදු එකතු කිරීමේ බලධාරීන්ට පමණක් නොවෙයි… විගණන සමාගම් සහ බදු ගණකාධිකාරීවරුන් ඇතුළු තවත් පාර්ශවයන් රජයට නිසි බදු ආදායම අහිමි කරන පාරිදි සාමාජීය වශයෙන් වගකිවයුතු ආකාරයකින් තම රාජකාරිය ඉටු කරනු ඇතැයි අපි අපේක්ෂා කරනවා.
අපි දන්නවා බදු ගණකාධිකාරීවරුන්, මේ විගණන සමාගම් බදු පෙදේශකවරුන් වැඩිපුර කරන්නේ රජයට ලැබෙන බදු ආදායම අහිමි කිරීමේ දිශාවට. අපි කියනවා ඔවුන්ට . ඔබට සමාජීය කාරණයක් තියනවා. ඔබ නිසි පරිදි ඔබගේ ගනුදෙනුකරුවාගේ ඔබගේ පාරිභෝගිකයාගේ බද්ද නිසි පරිදි රජයට ලබා දීම සඳහා කටයුතු කරන්න කියලා අපි ඉල්ලනවා.
මේ සඳහා නියාමන සහ නිතිමය රාමු ශක්තිමත්කිරීමට පියවර ගැනීමට සුදුසු පියවර ගැනීමට අපි අපේක්ෂා කරනවා.
බදු වලින් පැහැර හරින්න බෑ. හැම කෙනාම බදු ගෙවන්න. සාධාරණ බද්දක් ගෙවන්න. අපි ඒ හැම බදු ගෙවන කෙනාටම කියන්නම් ඔබගෙවන බදු මුදලේ හැම රුපියලක්ම අපි ආරක්ෂා කරලා පෙරළා අපේ රටේ ජනතාවටත් රට වෙනුවෙනුත් යොදවන්නම්.
ඒ නිසා බදු ගෙවන්න. කිසිම කෙනෙක් බදු නොගෙවා ඉන්න එපා. ඔබ සාධාරණ බද්දක් මේ රටේ සහ සමාජයේ පැවැත්ම වෙනුවෙන් ගෙවිය යුතුයි. ඒ සඳහා මම ආරාධනා කරනවා.
