ඊයේ (23) සිට පොලිස් ස්ථානාධිපතිවරුන් 270ක් සඳහා ස්ථාන මාරුවීම් සහ නව තනතුරු ලබා දී ඇත්තේ මහජන ආරක්ෂාව පිළිබඳ ඇමතිවරයාගේ සහ අමාත්යාංශ ලේකම්වරයාගේ අවශ්යතාවය පරිදි බවත්, නීත්යානුකූල නොවන ආකාරයට ලබා දුන් මෙම පත්වීම් ක්රියාවලිය සිදුවී ඇත්තේ පොලිස්පතිවරයාගේ ද විරෝධය නොසලකා බවත් පොලිස් මූලස්ථාන අභ්යන්තර ආරංචි මාර්ග තහවුරු කර ඇත.
ඉලක්කගත මැතිවරණ අරමුණු කරගනිමින් දේශපාලන අවශ්යතා මත මෙම පත්වීම් සහ ස්ථාන මාරුවීම් සිදුකර ඇතැයි මේ වනවිට පොලිසිය අභ්යන්තරයෙන් සාධනීය තොරතුරු මත චෝදනා එල්ලවෙමින් තිබේ.
ස්ථාන මාරුවීම් සිදුකර ඇති ආකාරය.
පොලිස්පතිවරයාගේ අත්සනින් සහ ඍජු නියෝගයකින් තොරව, පොලිස් දෙපාර්තමේන්තුවේ මානව සම්පත් කළමනාකරණය හා ජාත්යාන්තර සබඳතා දිසාව භාර නියෝජ්ය පොලිස්පති එම්.එන් සිසිර කුමාරගේ අත්සනින් පමණක් යුතුව මෙම ස්ථාන මාරුවීම් සිදුකර ඇත්තේ මහජන ආරක්ෂ අමාත්යාංශ ලේකම් විසින් නිකුත් කරන නියොග අනුවය.
මහජන ආරක්ෂාව පිළිබඳ අමාත්යාංශ ලේකම් එම නියෝග නිකුත් කරන්නේ 2020.11.20 දිනැති 2202/04 දරන අති විශේෂ ගැසට් නිවේදනය මගින් රාජ්ය සේවා කොමිෂන් සභාව විසින් ලබාදෙන බලතල පැවරීම් ප්රකාරවය.
එහෙත් 21 වැනි ව්යවස්ථා සංශෝධනය යටතේ පොලිස් කොමිසම බලගන්වීමෙන් පසු මෙම ගැසට් නිවේදනය බල රහිත වූ බවත් මහජන ආරක්ෂ අමාත්යාංශ ලේකම් පොලිස් නිලධාරීන් 269 දෙනා මාරු කිරීමට නියෝග නිකුත් කර ඇත්තේ බල රහිත ගැසට් නිවේදනයක් පදනම් කරගෙන බවත් අභ්යන්තර ආරංචි මාර්ග තහවුරු කරයි.
බලගැන්වුන පොලිස් කොමිසම
20 වැනි ව්යවසථා සංශෝධනය මගින් රාජ්ය සේවා කොමිෂන් සභාව වෙත පවරා තිබුණු පොලිස් නිලධාරීන් පත් කිරීම, උසස් කිරීම, මාරු කිරීම හා විනය පාලනයට අදාල බලතල ආණ්ඩුක්රම ව්යවස්ථාවේ 21වන සංශෝධනය මගින් නැවත ජාතික පොලිස් කොමිසම වෙත පවරා තිබිණි. ඒ අනුව මින් පෙර නිකුත් කර තිබූ චක්රලේඛය ශූන්ය වන බව පොලිස් දෙපාර්තමේන්තුව පෙන්වා දෙයි.
මේ බල රහිත චක්රලේඛයක් පදනම්ව අමාත්යාංශ ලේකම්වරයා විසින් අදාල ස්ථාන මාරුවීම් සිදුකරනු ලබන්නේ 20 වැනි ව්යවසථා සංශෝධනය මගින් රාජ්ය සේවා කොමිෂන් සභාව වෙත පවරා තිබුණු පොලිස් නිලධාරීන් පත් කිරීම, උසස් කිරීම, මාරු කිරීම හා විනය පාලනයට අදාල බලතල ආණ්ඩුක්රම ව්යවස්ථාවේ 21වන සංශෝධනය මගින් නැවත ජාතික පොලිස් කොමිසම වෙත පවරා ඇති බවත් එම බලතල ක්රියාත්මක කරන ලෙස .නීතිපතිවරයා අංක E/379/2022 හා 2022.12.15 දැනැති ලිපියෙන් දැනුම් දී ඇති බවත් ජාතික පොලිස් කොමසමේ ලේකම් තමාරා ඩී පෙරේරා විසින් පසුගිය 20 වැනිදා පොලිස්පතිවරයා වෙත ලිඛිත දැනුම්වත් කර තිබිය දීය.
එම ලිපියෙන් තවදුරටත් දන්වා ඇත්තේ ජාතික පොලිස් කොමිෂන් සභාව වෙත ඉදිරිපත් කළ යුතු ඉල්ලීම්, අදාල ලේඛන පොලිස්පතිවරයාගේ නිර්දේශ/ නිරීක්ෂණ සමග රේඛීය අමාත්යාංශයේ ලේකම් මගින් ජාතික පොලිස් කොමිසමේ ලේකම් වෙත යොමු කරන ලෙසය.
නව ජාතික පොලිස් කොමිසමක් පත් කරන තුරු පැවති කොමිෂන් සභා නිලධාරින්ට අදාල රාජකාරි කරගෙන යෑමේ බලය ද නීතිපතිවරයා විසින් ලබා දී තිබිණි.
එසේ තිබිය දී පොලිස් කොමිසම රැස්වන අවස්ථාවේම මහජන ආරක්ෂාව පිළිබඳ අමාත්යවරයා විසින් සියලුම උසස් නිලධාරීන්ගේ පැමිණීම අනිවාර්ය කර පැවැත් වූ සාකච්ඡාවකදී මෙම ස්ථාන මාරුවීම් සම්බන්ධ අවසන් තීන්දුව ගෙන ඇතැයි ද පොලිසියේ අභ්යන්තර ආරංචි මාර්ග කියයි.
මේ සියලු තත්ත්ව හේතුවෙන් ඇමතිවරයාගේ සහ අමාත්යාංශ ලේකම්වරයාගේ මේ අනීතක පොලිස් මාරු ක්රියාවලිය සම්බන්ධව පොලිස් දෙපාර්තමේන්තුව අභ්යන්තරයෙන්ම බරපතල විරෝධයක් මතුවෙමින් ඇත.
ස්ථාන මාරු කළ පොලිස් ස්ථානාධිපතිවරුන්ගේ නාම ලේඛණය මෙසේය.
