අයි.සී.සී ආයතනය ඉන්දියාවේ අවශ්යතා මත පමණක් කටයුතු කරන බවට එල්ල වන චෝදනා හමුවේ, අනෙකුත් ක්රිකට් ක්රීඩා කරන රටවල් බංග්ලාදේශයට සහය විය යුතු බව පකිස්ථාන ක්රිකට් පාලක මණ්ඩලයේ හිටපු සභාපති නජම් සේති පවසයි.
ඉන්දියාව සිය ක්රීඩකයින්ට අනාරක්ෂිත බව පවසමින් ආරක්ෂක හේතූන් මත බංග්ලාදේශය 2026 විස්සයි20 ලෝක කුසලානයෙන් ඉවත් වීමට තීරණය කර ඇත. ඒම තීරණයට අනුව අයි.සී.සී. ය මේ වනවිට බංගලාදේශය ඉවත් කිරීමේ නිල නිවේදනය නිකුත් කර ඒ් වෙනුවට ස්කොට්ලන්තය නම් කර තිබේ.
ක්රීඩකයින් සමඟ පැවැත්වූ සාකච්ඡාවකින් අනතුරුව ලෝක කුසලානයෙන් ඉවත් වීමට බංග්ලාදේශය ගත් තීරණය පිළිබඳව අදහස් දක්වමින් සේති කියා සිටියේ, ICCය ඉන්දියාවේ මතිමතාන්තරවලට පමණක් හිස නැමීම වැළැක්වීමට අනෙක් ජාතීන් ඉදිරිපත් විය යුතු බවය.
බංග්ලාදේශයේ මෙම විරෝධය හමුවේ පකිස්ථාන ක්රිකට් පාලක මණ්ඩලය නිහඬව සහය දක්වන නමුත් මෙතෙක් ප්රසිද්ධ ප්රකාශයක් සිදු කර නැත. කෙසේ වෙතත්, නජම් සේති පවසන්නේ පකිස්ථානය වැනි රටවල් බංග්ලාදේශය වෙනුවෙන් පෙනී සිටියහොත්, මෙය “ඉන්දීය ක්රිකට් කවුන්සිලය” නොව “ජාත්යන්තර ක්රිකට් කවුන්සිලය” බව ICCයට වැටහෙනු ඇති බවය.
නජම් සේතිගේ ප්රකාශය:
“බංග්ලාදේශය ලෝක කුසලානය වර්ජනය කිරීමට තීරණය කළා; දැන් බලන්න තියෙන්නේ පකිස්ථාන ක්රිකට් පාලක මණ්ඩලය ගන්නා තීරණය මොකක්ද කියලා. වත්මන් සභාපති මොහ්සින් නක්වි ක්රීඩාව ගැන හොඳින් දන්නා කෙනෙක්. ඔහු ගන්නා ඕනෑම තීරණයක් නිවැරදි එකක් වේවි. පකිස්ථානයට පස්සේ අනෙක් රටවල් මේ වෙනුවෙන් නැගී සිටියොත් ICCයට තමන්ගේ වගකීම තේරුම් ගන්න පුළුවන් වෙයි,” යනුවෙන් ඔහු Telecom Asia Sport වෙත පවසා තිබුණි.
