ඉදිරි වසර පහ සඳහා සෑම වසරකම ගිගා වොට් පනහක ධාරිතාවක් එකතු කිරීමෙන් ඉන්දියාව සිය පුනර්ජනනීය බලශක්ති ධාරිතාව ගිගා වොට් පන්සීය දක්වා දෙගුණ කිරීමට සැලසුම් කර ඇති බව නව සහ පුනර්ජනනීය බලශක්ති අමාත්යාංශය ඉකුත් බදාදා ප්රකාශ කළේය.
ඒ අනුව ඉන්දීය රජය විසින් වත්මන් මූල්ය වර්ෂයේ සිට 2027 -28 මූල්ය වර්ෂය දක්වා ගිගා වොට් පනහක ධාරිතාවක් සඳහා ලංසු කැඳවනු ලැබ ඇත.
ISඅන්තර් රාජ්ය සම්ප්රේෂණය සම්බන්ධ පුනර්ජනනීය බලශක්ති ධාරිතාවේ මෙම වාර්ෂික ලංසුවලට වසරකට අවම වශයෙන් ගිගා වොට් දහයක සුළං බල ධාරිතාවක් පිහිටුවීමස ඇතුළත් වනු ඇති බව අමාත්යංශය සඳහන් කර තිබිණි.
පසුගිය සතියේ මධ්යම විදුලිබල හා නව සහ පුනර්ජනනීය බලශක්ති අමාත්ය ආර්.කේ සිංගේ ප්රධානත්වයෙන් පැවති රැස්වීමකදී අමාත්යංශය විසින් අවසන් කරන ලද සැලැස්ම, ඉන්දීය අග්රාමාත්යවරයාගේ සැලසුමට නුව, ෆොසිල නොවන ඉන්ධන (පුනර්ජනනීය බලශක්ති + න්යෂ්ටික) වලින් ස්ථාපිත ගිගාවොට් පන්සීයක විදුලි ධාරිතාවක් ලබා ගැනීමට අනුකූළ විය.
ඒ අනුව ඉන්දියාව ෆොසිල මගින් ජනනය කරන විදුලිය ගිගාවොට් පන්සියක් වෙනුවට පුනර්ජනනීය ප්රභව තුලින් ජනනය කරන විදුලිය යොදා ගැනීමට අවශ්ය කටයුතු දැණටමත් යොදාගෙන ගෙන ඇති බව අමාත්යංශය සඳහන් කළේය.
“ඉන්දියාව බලශක්ති සංක්රාන්ති ලෝකයේ ප්රමුඛයා ලෙස ඉදිරියට පැමිණ ඇති අතර පුනර්ජනනීය බලශක්ති ක්ෂේත්රයේ අප අත්කර ගෙන ඇති වර්ධනයෙන් එය පැහැදිලි වේ. 2030 වන විට ගිගාවොට් 500 ක ඉලක්කයක් සපුරා ගැනීමට අපි කැපවී සිටින අතර ලංසු තැබීමේ ගමන්මග මේ සඳහා තවත් උත්තේජනයක් සපයනු ඇත,” යනුවෙන් අමාත්ය ආර්.කේ සිං පැවසීය.
ඉන්දියාව මේවන විට සීඝ්රෙයන් පුනර්ජණනීය බලශක්ති ප්රභව වලට යොමුවී ඇති අතර එහිදී සූර්ය පැනල භාවිතය සීඝ්රෙයන් ඉහළ දැමීමට කටයුතු කර තිබේ.
