කීර්ති ප්රනාන්දු –
ඉන්දීය බිත්තර ආනයනය මුලුමනින්ම අසාර්ථක ව්යාපෘතියක් බව සමස්ථ ලංකා බේකරි හිමියන්ගේ සංගමයේ සභාපති එන්.කේ ජයවර්ධන පැවසීය.
රටේ දෛනික බිත්ත අවශ්යතාවය ලක්ෂ පනහක් බවත් ඉන් සියයට අනූවක් පමණ වෙන් වන්නේ බේකරි හා හෝටල්වලට බවත් පෙන්වා දෙන සභාපතිවරයා ඉන්දියාවෙන් ගෙන්වූ ලක්ෂ විස්සක බිත්තර ප්රමාණය සති දෙකකට ආසන්න කායලක් පුරා බේකරි පනහකටත් අඩු ප්රමාණයකට බෙදා දීමෙන් බේකරි නිශ්පාදන මිල අඩු වන්නේදැයි විමසීම විහිලුවක් බව පැවසුවේය.
බේකරි හිමියන් පවසන්නේ ආනයනය කළ ලක්ෂ විස්සක බිත්තර ප්රමාණය රටේ බේකරි කර්මාන්තයට දිනකටවත් ප්රමාණවත් නැති බවය.
“ තව බිත්තර ලක්ෂ 10ක් දැන් වරායෙ තියනවා. මේ බිත්තර ටික නිදහස් කරන්න අවශ්ය සාම්පල් පරීක්ෂණ වාර්තාව නිකුත් කරන්නේ 12 වැනිදට. එතකොට රටේ බේකරි ටික ඔක්කොම වහලා.”
සමස්ථ ලංකා බේකරි හිමියන්ගේ සංගමයේ සභාපති එන්.කේ ජයවර්ධන ලංකාසර කළ විමසීමක දී පැහැදිලි කළේය.
“රුපියල් 1500ට තිබුණ කේක් කිලෝ එක රුපියල් 1200 සිට 1000 දක්වා මිල ප්රමාණයකට අඩු වී තියනවා. එහෙම වෙන්න හේතුව අලෙවිය අඩු වීම. එහෙත් කර්මාන්ත කරුවන්ට කිසිම දෙයක මිල අඩු වුනේ නෑ. ගෑස් අඩු වුනා කියනවා. ඔව් අඩු වුනා 12.5 ගෑස් සිලින්ඩරය. නමුත් කර්මාන්තවලට ගන්න කිලෝ 34.5 සිලින්ඩරය ශතයකින් අඩු වුනේ නෑ… දැන් ඒ සිලින්ඩරයක මිල රුපියල් 19000යි. කොවිඩ්වලට කලින් ඒ සිලින්ඩරයක් තිබුණෙ රුපියල් 4800ට. මේව මිනිස්සු දන්නේ නෑ. “
බේකරි නිශ්පාදන මිල නම් මීට වඩා අඩු නොවන බව සභාපතිවරයා පැවසුවේය.
