ඇමරිකා එක්සත් ජනපදය විසින් අත්පත් කරගත් ඇෆ්ගනිස්ථානයේ වත්කම් වලින් අඩක් වූ ඇමරිකානු ඩොලර් බිලියන 3.5ක මුදල කළමනාකරණය කිරීමට බාහිර අරමුදල් පිහිටුවීම සම්බන්ධයෙන් තලේබාන් සංවිධානය විසින් සිය අසතුට පළකර තිබේ. ඒ අනුව තලේබාන් සංවිධානය විසින් ඇමරිකා එක්සත් ජනපදය විසින් සිය වත්කම් අත්පතර ගෙන ඇති බවද චෝදනා කර ඇති බවට වාර්තාවේ.
පසුගිය වසරේ අගෝස්තු මාසයේදී තලේබාන් සංවිධානය නැවත බලයට පැමිණි විට, එතෙක් ඇෆ්ගනිස්ථානයේ පැවති පාලන තන්ත්රය බිඳවැටීම සමඟ ඇමරිකා එක්සත් ජනපදය ප්රමුඛ බටහිර රටවල් විසින් ඇෆ්ගනිස්ථානයට සැපයූ විදේශ ආධාර අත්හිටුවීය.
එහෙත් මෙම තත්ව්ය තවද් උග්ර අතට හමරවින් ඇෆ්ගනිස්ථානය තුල දරුණු දරිද්රතා තත්ත්වයක් ඇති කරමින්, එක්සත් ජනපදය ඇෆග්නිස්ථාන මහ බැංකු වත්කම්වල ඩොලර් බිලියන 7ක් අත්හිටුවීමට පියවරගෙන තිබිණි.
ඒ අනුව මෙලෙස ඇමරිකාව විසින් ඇෆ්ගනිස්ථානය සතු වත්කම් අත්හමී සම්බන්ධයෙන් අනුමනය කිරීමට අපේක්ෂිත සැලැස්ම ජනාධිපති ජෝ බයිඩන් විසින් හෙළි කරනු ලැබීය.
එහිදී බයිඩන් ජනාධිපතිවරයා පවසා සිටියේ මෙලෙස අත්පත් කරගත් වත්කම් වලින් අඩක් ඇෆ්ගනිස්ථානයට ආධාර සඳහාද ඉතිරි වත්කම් අඩක් එක්සත් ජනපදය ප්රමුථ රටවල් ඇෆ්ගනිස්ථානය ආක්රමණයට පොළඹවන ලද 9/11 ත්රස්ත ප්රහාරයේ ගොදුරු බවට පත් වූ පිරිසට සහන සැලසීමට යොදා ගන්නා බවයි.
එතැන් සිට කාබුල්හි නව නායකයින් වොෂින්ටනයට පවසා සිටින්නේ ශීත කාලයේදී ඇතිවිය හැකි ආහාර අර්බුදයෙන් සහ ආර්ථික කඩා වැටීමකින් සහ විනාශකාරී භූමිකම්පාවකින් ඇෆ්ගනිස්ථානය දැඩි ලෙඩ බලපෑමකට ලක්ව ඇති හෙයින් ආධාර මුදල් නිදහස් කිරීමට පියවර ගන්නා ලෙසයි.
කෙසේ වෙතත් ඉකුත් බදාදා දිනයේදී එක්සත් ජනපදය කියා සිටියේ ඩොලර් බිලියන 3.5 වෘත්තීයමය වශයෙන් පවත්වාගෙන යන අරමුදලක බැරකරන බවයි. ඊට හේතු ලෙස එක්සත් ජනපදය පෙන්වා දී ඇත්තේ තලේබාන් නායකත්වය විශ්වාස නොකළ බැවින් මෙම තීරණය ගෙන ඇති බවයි.
