දිනසේන රතුගමගේ –
උතුරේ ජනතාව බිය වද්දමින් පතිකා බෙදා හරිමින් කඩු කිණිසි ළග තබා ගෙන සිටි ආවා කල්ලියේ සාමාජිකයින් බව කියන පුද්ගලයින් 42 ක් වවුනියාව හා කිළිනොච්චිය පළාත් වලදී පොලීසිය විසින් ඊයේ ( 1) අත් අඩංගුවට ගෙන තිබේ.
වවුනියාවේ ඕමන්ත නොච්චිකුලම ප්රදේශයේ සැඟවී සිටි පුද්ගලයින් 16 දෙනෙකු අත් අඩංගුවට ගෙන සිදු කළ ප්රශ්න කිරීම්වලදී ඔවුන් සමග කටයුතුකරන තවත් 19 දෙනෙකු කිළිනොච්චිය ප්රදේශයේදී අත් අඩංගුවට ගෙන තිබේ.
ඉතිරි හත් දෙනා අත් අඩංගුවට ගෙන ඇත්තේ මුලතිව් හා යාපනය ප්රදේශයෙන් වන අතර ඔවුන්ව අත් අඩංගුවට ගත් අවස්ථාවේදී ඔවුන් ළඟ පත්රිකා විශාල ප්රමාණයක් කඩු කිණිසි වෙස් මුහුණු යනාදිය තිබී ඇත.
ආවා කල්ලියේ සාමාජිකයින් බව පවසමින් පසු ගිය සතිය පුරාම උතුරේ බොහෝ පළාත් වල පත්රිකා විශේෂයක් බෙදා හැර තිබූ අතර ඉන් ප්රකාශ කොට තිබුණේ සමාජයේ වැරදි ක්රියා වලට යොමු වන පුද්ගලයින්ට දැඩි දඩුවම් ලබා දෙන බවයි.
මුලින්ම මෙම පතිකා කීපයක් සමග මුලතිව් ප්රදේශයේදී සැකකරුවන් දෙදෙනෙකු පොලීසියට හසු වීමෙන් පසුව ඔවුන්ගෙන් කළ ප්රශ්න කිරීම් වලදී සෙසු පිරිස අත් අඩංගුවට ගැනීමට හැකි වී තිබේ.
යාපනයේ ජෙයෂ්ඨ පොලිස් නිලධාරියෙකු සඳහන් කළේ ආවා කල්ලිය මේ වන විට සම්පූර්ණයෙන්ම මර්දනය කොට ඇති බවත් පත්රිකා බෙදමින් මේ දිනවල පෙනී සිටින්නේ ආවා කල්ලියේ නම විකුණමින් කටයුතු කරන කප්පම් කරුවන් පිරිසක් හා හොර කණ්ඩායමක් බවයි.
දැනට උතුරු පළාතෙන් අත් අඩංගුවට ගෙන සිටින සැකකරුවන් ගෙන් ප්රශ්න කොට ඔවුන්ව අධිකරණය වෙත ඉදිරිපත්කිරීමට පොලීසිය පියවර ගෙන තිබේ.
