ආණ්ඩුවට එක්වනු ඇතැයි බලාපොරොත්තුවන දස දෙනෙක් වෙනුවෙන් කැබිනට් ඇමතිකම්වල පුරප්පාඩු 10ක් ඉතිරි කරගෙන කැබිනට් ඇමතිවරු 16ක් හෙට දිවුරුම් දෙනු ඇතැයි රජයේ අභ්යන්තර ආරංචි මාර්ග පවසයි.
දැනට දිවුරුම් දී ඇති අධ්යාපන ඇමති දිනේෂ් ගුණවර්ධන, මුදල් ඇමති අලි සබ්රි, විදේශ කටයුතු ඇමති මහාචාර්ය ජ.එල්.පීරිස්, මහාමාර්ග ඇමති ජොන්ස්ටන් ප්රනාන්දු සහතිව නව කැබිනට් මණ්ඩලය හෙට වනවිට 20ක් වනු ඇතැයි එම ආරංචි මාර්ග පවසයි.
මෙම කැබිනට් ඇමතිවරු විසි දෙනාගෙන් අඩකට ආසන්න සංඛ්යාවක් පොහොට්ටුවේ තරුණ මන්ත්රීවරුන් බව වාර්තා වේ.
මේ අතර අද හිටපු කැබිනට් මණ්ඩලය සමග සාකච්ඡා කරමින් ඔවුන්ගේ ඉල්ලීම් සහ දුක් ගැනවිලිවලට ඇහුම්කන් දුන් ජනාධිපතිවරයා සහ අගමැතිවරයා දන්වා ඇත්තේ මේ දුෂ්කර අවස්ථාවේ ඉවසාගෙන සිටින ලෙසය.
රජය යම් ස්ථාවරයකට ගොඩනගා ගත් පසු සියල්ල යථා තත්වයට පත්වනු ඇති බවට ඔවුන්ට බලාපොරොත්තු දීමට ජනාධිපතිවරයා කටයුතු කර තිබේ.
වාර්තාවන පරදි හිටපු කැබිනට් ඇමතිවරු බොහෝ දෙනෙක් ස්වේච්ඡාවෙන් තනතුරු අත්හැර නැති බවත් ඔවුන්ට මේ අවස්ථාව පහදා දීමට ජනාධිපතිවරයාට වෙහෙසක් දරන්නට සිදුවූ බවත් අභ්යන්තර ආරංචි මාර්ග කියයි.
