මනම්පිටිය නිමල් ජයරත්න –
යුද සමයේ වැලිකන්ද ප්රදේශයේ පවත්වාගෙනන ගිනි අවි ගබඩාවකින් ටී.56 ගිනි අවියක් සොරකම් කරන ලද බවට හෙළි දරවු වු සිවිල් ආරක්ෂක නියාමකයෙක් අද (16) දහවල් කොළඹ අපරාධ විමර්ශන කොට්ඨාසය මගින් අත්අඩංගුවට ගෙන ඇත.
මෙම නියාමයකයා පොළොන්නරුව වැලිකන්ද රුහුණුකෙත ගම්මානයේ පදිංචි අයෙකි.
වැලිකන්ද පොලිස් ස්ථානයට අනුයුක්තව රාජකාරිය කර ඇති මෙම පුද්ගලයා විමර්ශන කටයුතු සඳහා කොළඹ අපරාධ විමර්ශන කොට්ඨාසය වෙත රැගෙන ගොස් ඇති බව වැලිකන්ද පොලිස් ස්ථානයේ පොලිස් නිලධාරියෙකු අප කළ විමසීමකදී සඳහන් කළේය.
අත් අඩංගුවට ගත් සැකකාර සිවිල් ආරක්ෂකයා එල්.ටී.ටීී.ඊ. ත්රස්තවාදී ගැටුම් කාලයේ දී වැලිකන්ද ප්රදේශයේ අවි ගබඩාවකට අනුයුක්තව රාජකාරී කර ඇත. ඔහු එවකට මෙම ටී.56 ගිනි අවිය සොරකම් කර ඇති බවට මේ වනවිට විමර්ශන අංශ සොයාගෙන තිබේ.
ඔහු මෙම ටී.56 ගිනි අවියෙන් අපරාධ සිදු කළාද යන්න වැඩිදුර විමර්ශන කටයුතු සිදු කිරීම සඳහා කොළඹ අපරාධ විමර්ශන කොට්ඨාසයේ නිලධාරීන් විසින් ඔහුව කොළඹට රැගෙන ගොස් ඇති බවද වැලිකන්ද පොලිසිය සඳහන් කරයි.
