ශ්රියානි විජේසිංහ –
අනුරාධපුර ශික්ෂණ රෝහලේ වෛද්යවරියකට අතවර කිරිමේ සිද්ධියට අදාළ නඩුව අනුරාධපුර ප්රධාන මහේස්ත්රාත් අධිකරණයේදී යළි කැඳවනු ලැබූ අවස්ථාවේදී සැකකරු විසින් වෛද්යවරියට සිදු වූයේ අතරවයක් නොවන බවත් සිදු වූ ලිංගික ක්රියාව බලහත්කාරයෙන් නොව කැමැත්තෙන් සිදු වූවක් බව ප්රකාශ කර ඇත. ඒ ඊයේ (21) සැකකරු අධිකරණයට ඉදිරිපත් වූ අවස්ථාවේ දී අධිකරණය ඉදිරියේ විශේෂ ප්රකාශයක් කරමිනි.
මේ සම්බන්ධයෙන් විමර්ශනයක් පවත්වා අධිකරණයට කරුණු වාර්තා කරන ලෙස ප්රධාන මහේස්ත්රාත් නාලක සංජීව ජයසූරිය අනුරාධපුර සහකාර පොලිස් අධිකාරී ප්රභාත් විතානගේට නියෝග කර තිබේ.
එමෙන්ම ගල්නෑව පොලිසිය තමන්ට කෲරව හිංසා පැමිණ වූ බවටද සැකකරු විසින් අධිකරණයට කරුනු ප්රකාශ කළ අතර ඒ සම්බන්ධයෙන් විමර්ශනයක් පවත්වා එහි ප්රගතිය ඉදිරිපත් කරන ලෙස ද ප්රධාන මහේස්ත්රාත්වරයා නියෝග කර තිබේ.
මෙම නඩුව කැඳවූ අවස්ථාවේදී සැකකාර හිටපු යුධ හමුදා සෙබළා අධිකරණයට ප්රකාශයක් කිරීමට අවසර ඉල්ලා අධිකරණයේ අවසරය ලැබුනු පසු ඉහත කරුණු හෙළිකර තිබේ.
සෙබළා කියා ඇත්තේ තමා සමඟ වෛද්යවරිය එක්වීම අතරවරයක් ලෙස හැදින්විමට කිසිසේත් ඉඩක් නැති බවය.
අනුරාධපුර ශික්ෂණ රෝහලේ දෙවන ගේට්ටුවේ සිට දෛව්යවරියගේ නේවාසිකාගාරය දක්වා මාර්ගයේ සීසිටීවී කැමරා ඇත්නම් එම අවස්ථාවේ වෛද්යවරිය හැසිරුණ ආකාරය ඒවා පරික්ෂා කිරීමෙන් තහවුරු කරගත හැකි බව සෙබළා ප්රකාශ කර තිබේ.
මේ නිසා වෛද්යවරිය තමාව වරදකට පැටලවීම ගැටලු සහගත බව ඔහු පැහැදිලි කර ඇත.
වෛද්යවරිය සෙබළාට එරෙහිව පැමිණිලි කර තිබුනේ අතවරය හා වීඩියෝගත කළ කොටස් සහිත ජංගම දුරකථනය රැගෙන පළායාම පිළිබලඳවය.
පුවත්පත් වාර්තා මගින් වෛද්යවරිය බැමි ගැටගසා තිබීම හා ඒවා ලිහාගැනීම ගැන පරස්පර වාර්තා පළව තිබු අතර සෙබළාගේ මෙම ප්රකාශය සමඟ නඩුව අලුත් දිශාවකට යොමුව තිබේ.
මෙම පුද්ගලයා හඳුනා ගැනීමේ පෙරට්ටුවට ද වෛද්යවරිය බොහෝ සේ අදිමදි කර සහභාගි වූ අතර ඒ ගැන වාර්තා පළවුයේ ඇය අප්රකටව විසීමට කැමති නිසා එසේ කළ බවකි.
මීට අමතරව සෙබළා අධිකරණයේදී ප්රකාශ කර ඇත්තේ තමා අත්අඩංගුවට ගෙන ඇත්තේ අනුරාධපුර සහ ගල්නෑව පොලිස් නිලධාරීන් සහ පොලිස්විශේෂ කාර්ය බලකායේ නිලධාරීන් එක්ව බවත් අත්අඩංගුවට ගැනීමෙන් පසු ගල්නෑව පොලිස් නිලධාරීන් තමාට කෲර වද හිංසා පමුණුවා ඇති බවත්ය.
මේ හේතුවෙන් තම ශරීර අභ්යන්තරයේ රුධිර වහනයක් සිදුව ඇති බවද සැකකරු අධිකරණයට පවසා ඇත.
කෙසේ වෙතත් වෛද්යවරිය සම්බන්ධව සැකකරු කළ ප්රකාශය සම්බන්ධයෙන් අනුරාධපුර උසස් පොළිස් නිලධාරියෙකු පවසා ඇත්තේ මෙම ප්රකාශය විමර්ශන නොමග යැවීමේ අරමුණින් කළ එකක් බවය.
සැකකරු මැයි 26 වන දින දක්වා යළි රිමාන්ඩ් භාරයට පත් කිරිමට ප්රධාන මහේස්ත්රාත්වරයා නියෝග කර ඇත.
