හිටපු මුදල් අමාත්ය බැසිල් රාජපක්ෂගේ ඉල්ලා අස්වීමෙන් පුරප්පාඩු වූ ශ්රී ලංකා පොදුජන පෙරමුණේ ජාතික ලැයිස්තු මන්ත්රී ධූරය සඳහා කුප්රකට ව්යාපාරික ධම්මික පෙරේරා පත් කිරීම මෙම මජර දේශපාලන ආර්ථික ප්රතිපත්තියේ ම දිඟුවක් බව ගෝෆේස් අරගලකරුවෝ ප්රකාශ කරති.
එම අරගල භූමියෙන් බිහි වුණු Black Cap Movement සංවිධානයේ කැඳවුම්කරු විමුක්ති දුෂාන්ත අද ධම්මික පෙරේරා ජාතික ලයිස්තුවෙන් පාර්ලිමේන්තුවට පත් කිරීම පිළිබඳ ජනතාව දැනුම්වත් කිරීමේ මාධ්ය හමුවක් කැඳවමින් ඔහු මේ බව ප්රකාශ කළේය.
වැඩිදුරටත් අදහස් දැක් වූ විමුක්ති දුෂාන්ත මේ නව පාර්ලිමේන්තු සම්ප්රාප්තිකයා සම්බන්ධව වැඩිදුරටත් මෙසේ පැවසීය.
“අපිට මතකයි මහින්ද රාජපක්ෂගේ ආණ්ඩුව 2015 පරාජයට පත් වෙන්න එක් හේතුවක් වුණු රතුපස්වල මිලේච්ඡ වෙඩි තැබීම. මේ වෙඩි තැබීමට හේතුවුණු රතුපස්වල ජලය විෂ කරපු කර්මාන්ත ශාලාවේ ධම්මික පෙරේරාට අයත් සමාගමක්. අපි දැක්කා ඒ වෙලාවේ මේ පාලකයෝ හිටගත්තේ ජනතාව වෙනුවෙන් ද ධම්මිකලා වෙනුවෙන් ද කියලා.
එහි දිගුවක් ම තමයි මේ. දැන් ධම්මිකලා මේ රාජපක්ෂ දේශපාලනය ආරක්ෂා කරන්න පාර්ලිමේන්තුවට ඇවිල්ලා තියනවා.
මේ දූෂිත වලල්ල එක පැත්තකින් මේ රාජපක්ෂ දේශපාලනය පෝෂණය කරනවා. අනිත් පැත්තෙන් මේ බදු වංචා වලට සම්බන්ධ රාජපක්ෂලාගේ කළු සල්ලි ආරක්ෂා කරන ව්යාපාරිකයෝ පෝෂණය කරනවා. මේකේ කූටප්රාප්තිය තමයි මේ ධම්මික පෙරේරාගේ පාර්ලිමේන්තු ආගමනය.
දියසේන කුමාරයා වගේ රනිල්ලා, ධම්මිකලා පැමිණ මේ රට බේරා ගන්නේ නැති බවත්, මේ ජයග්රහණය අත්පත් කරගත හැක්කේ අප අපටම බවත් කී අරගලකරුවෝ මේ ජයග්රහණ ලබා දෙනකම් ගෝල්ෆේස් දෙස බලා නොඉඳ ලඟම මංසන්ධියට එකතුව ජනතා බලය පෙන්වන ලෙස ඉල්ලා සිටියහ.
එක්සත් ජාතීන්ගේ තක්සේරුව ප්රකාරව රටේ 22% ක් උග්ර ආහාර අර්බුදයකට මුහුණ දීමට නියමිත බවත්, ඒ වටපිටාව තුළත් පාලකයින් සූදු කෙළිනවිට සූදු කාරයින් කැසිනෝකාරයින් පාර්ලිමේන්තුවට එ විට රටේ ජනතාවට අත්වන ඉරණම බෙහෙවින්ම ඛේදනීය වනු ඇති බව ඔවුහු පැවසූ.
“මේ ක්රමය අපි තවත් නඩත්තු කරන්න ඕනේ ද? දියසේන කුමාරයා ඇවිල්ලා අපිව බේරගන්නකම් බලා ඉන්නවද? අපි හැමදාම නායකයෝ දිහා බලාගෙන හිටියා. හැබැයි දැන් අවස්ථාව ඇවිල්ලා තියෙන්නේ ජාතික ප්රතිපත්තියක් නිර්මාණය කරන්න. නායකයෝ පක්ෂ මාරු වුණාට මාරු නොවන ජාතික ප්රතිපත්තියක් නිර්මාණය වෙන්න ඕනේ. ඒක තමා අපේ ඉදිරිය තීරණය කරන බලවේගය වෙන්න ඕනේ.“
Black Cap Movement සංවිධානයේ මාධ්ය ප්රකාශක බුද්ධි ප්රබෝධ කරුණාරත්න අවසාන වශයෙන් මාධ්ය අමතා කීවේය.
