කීර්ති ප්රනාන්දු –
රටින් පිටවීම තහනම් කළ අධිකරණ නියෝගයක් නොමැති නම් කිසිම පුද්ගලයෙකුට රටින් පිටවී යෑම අවහිර කිරීමේ නීතිමය බලයක් ගුවන්තොටුපල නිලධාරීන්ට නොමැති බවත් ශ්රී ලංකා ආගමන විගමන නිලධාරීන්ගේ සංගමය ලෙස තමන් සිදුකළේ විශේෂ වරප්රසාද සහිතව සාමාන්ය මගීන්ගෙන් සැඟවී යම් පුද්ගලයෙකුට රටින් පිටවීමේ අවකාශය වැලැක්වීම බවත් එම සංගමයේ සභාපති කේ.ඒ.ඒ.එස්. කණුගල ලංකාසරට පැවසීය.
මත්තලින්, රත්මලානෙන් පමණක් නොව, සාමාන්ය මගී පර්යන්තය ඔස්සේ කටුනායක ගුවන් තොටුපලින් වුවත් ගුවන් ගමන් තහනමක් අධිකරණය විසින් නිකුත් කර නැති ඕනෑම පුද්ගලයෙකුට පිටවී යා හැකි බව ඔහු පැහැදිලි කළේය.
“සාමාන්යෙයන් අධිකරණ නියෝගයක් නැති ගුවන් තහනමක් නැති කෙනෙකුට සාමාන්ය මගී පර්යන්තයෙන් සාමාන්ය විදිහට ගමන් කළ හැකියි. අපට එය වැලැක්වීමේ බලයක් නෑ. එහෙම වුනොත් මූලික අයිතිවාසිකම් කඩවෙනවා. මත්තල දී හෝ රත්මලානේ දී ඕනෑම පුද්ගලයෙකුට රටින් පිට වී යා හැකියි. ඊට අපට මේ ආකරයේ මැදිහත්වීමක් හෝ කරන්න බෑ. මොකද ඒක අපේ පාලනයෙන් තොරයි.“
“ යම් පුද්ගලයෙකුගේ ගමන නවත්වන්න ඕන නම් නීත්යානුකූල මාර්ගයෙන් ක්රියා කළ යුතුයි. අනීතිකව දේශපාලකයින් වැඩ කළත් මහ ජනතාව වැඩ කළත් වැරදියි. “
අපිට කරන්න පුලුවන් දේ අපි කරලා තියනවා. සභාපතිවරයා පැහැදිලි කළේය.
