ශ්රීමතී විජේරත්න –
වයඹ පළාතේ සියලුම ක්රීඩා උත්සව සතියක කාලයකට තාවකාලිකව නවත්වන ලෙස වයඹ ප්රධාන අමාත්ය ලේකම් වයඹ පළාත් අධ්යාපන අධ්යක්ෂතුමියට දන්වා ඇත.
පවතින උණුසුම් කාලගුණ තත්වය පිළිබඳ සැලකිලිමත් වන ලෙස කාලගුණ විද්යා දෙපාර්තමේන්තුව විසින් අවවාදාත්මක නිවේදනයක් නිකුත් කර තිබේ. දිවයිනේ පළාත් පහක් සහ තවත් ප්රදේශ කිහිපයක අනතුරුදායක ලෙස උණුසුම ඉහළ යා හැකි බවට කාලගුණ විද්යා දෙපාර්තමේන්තුව විසින් පුරෝකථනය කර ඇත.
හිරු රැස් වලට නිරාවරණය වීමෙන් හා පවතින අධික උෂ්ණත්වය නිසා ාසල් ශිෂ්ය ශිෂ්යාවන්ට අහිතකර බලපෑම් ඇති විය හැකි බව සෞඛ්ය අමාත්යාංශය මගින් දන්වා තිබේ. එම නිසා ඊටේ (19) සිට සතියක කාලයක් වයඹ පළාතේ සියලුම පාසැල්වල වාර්ෂික නිවාසාන්ත ක්රීඩා උත්සව පැවැත්වීම තාවකාලිකව නැවැත්වීමට තීරණය කර ඇත.
කුරුණෑගල ඉබ්බාගමුව ගිරිඋල්ල,කුලියාපිටිය, හලාවත, නිකවැරැටිය මහව, හා පුත්තලම අධ්යාපන කලාප සඳහා මෙම තීරණය ක්රියාත්මක වේ. ඒ බව කලාප අධ්යාපන අධ්යක්ෂවරු මගින් පාසැල් වෙත දැනුම්දීමට තීරණය කර තිබේ.
