පසුගිය කාලයේ රටට අවාසි සහගත කොන්දේසි සහිතව ගිවිසුම් ගත වුන පුනර්ජනනිය බලශක්ති ව්යාපෘති 40ක් පිළිබඳව සමාලෝචනයක් කිරීම සඳහා කමිටුවක් පත් කර ඇතැයි බලශක්ති අමාත්යාංශය පවසයි.
එහි ලේකම් උදයංග හේමපාල පවසන්නේ මේ යටතේ මන්නාරම සුළං විදුලි ව්යාපෘතිය ඇතුළු සුළං සහ සූර්ය බල ව්යාපෘති 40කට ආසන්න සංඛ්යාවක් පිළිබඳව මෙසේ සමාලෝචනය කිරීමට නියමිත බවය.
මෙගාවොට් 5 සිට මෙගාවොට් 100 දක්වා විදුලිය උත්පාදනය කිරීමට මෙම ව්යාපෘතිවලින් අපේක්ෂිත බවද ලේකම්වරයා කියයි.
ඔහු පවසන්නේ මෙම ව්යාපෘතිවලට ගිවිසුම්ගත වීමේ දී රටට අවාසි දායක කොන්දේසි කීපයක් යටතේ එකඟතාවයකට එළඹ ඇති බවය.
ඇ.තැම් ව්යාපෘති සඳහා ඉඩම් තෝරා ගැනිමේ දී එම ඉඩම් කෘෂිකාර්මික කටයුතු සඳහා යෙදවීමෙන් ඊට වඩා ඵලදායී ලෙස භාවිතා කිරීමට හැකියාව ලැබෙන බව පෙනී ගොස් ඇතැයි මහාචාර්ය උදයංග හේමපාල පවසයි
ඔහු පැවසුවේ එම ව්යාපෘතිවලින් විදුලිය මිලදී ගැනීමේ දී එක් ඒකකයක් වෙනුවෙන් වැය කරන මුදල මෙන්ම ව්යාපෘතියෙන් ලැබෙන ආර්ථික ප්රතිලාභ සලකා බලන බවය.
මාසයක කාලයක් ඇතුළත එම කමිටුවේ වාර්තාව ලබා දෙන ලෙස කමිටු සාමාජිකයින්ට උපදෙස් ලබා දී ඇතැයි ලේකම්වරයා කියයි.
ඔහු සඳහන් කළෙ අදාල වාර්තාව ලැබුණ විට සියලු ව්යාපෘති රටට ඵලදායී සහ වාසි සහගත වන ලෙස ක්රියාත්මක කිරීමට එකඟතාවයට පැමිණීමට නියමිත බවය.
