අද සිට රජය නියම කරන ලද උපරිම සිල්ලර මිලට වඩා වැඩි මිලකට බිත්තර අලෙවි කළහොත් උපරිම ලක්ෂ පහක දඩයකට යටත් කළ හැකි සේ නඩු පවරන බව පාරිභෝගික කටයුතු පිළිබඳ අධිකාරියේ සභාපති ශාන්ත නිරිඇල්ල පවසයි.
සිල්ලර වෙලෙන්දෙකු යටත් කරන දඩය රුපියල් ලක්ෂයේ සිට ලක්ෂ පහ දක්වා වන බවත්, පුද්ගලික සමාගමක් නම් අවම දඩය රුපියල් ලක්ෂ පනහක් හෝ මාස හයක සිර දඬවමකට යටත් කළ හැකි බවත් පාරිභෝගික සේවා අධිකාරිය කියයි.
කෙසේ වෙතත් පාරිභෝගික කටයුතු පිළිබඳ අධිකාරිය මෙම අතාර්කික මිල පාලයනය නිවේදනය කරන්නේ බිත්තරයක නිශ්පාදන වියදම රුපියල් 49.50ක් බරව රජය විසින්ම දන්වා ඇති පරිසරයක බව සමස්ත ලංකා බිත්තර නිෂ්පාදකයින්ගේ සංගමයේ සභාපති සරත් රත්නායක පැවසීය.
ඒ තත්ත්වය තුළ මේ පාලන මිලට කිසිම ආකාරයකින් බිත්තර අලෙවි කළ නොහැකි බව සංගමය දන්වා ඇත. කෙසේ වෙතත් බිත්තර පරිභෝජනය වර්ජනය කිරීම වෙනුවෙන් මේ වනවිට සංවිධානය වී ඇති පාරිභෝගික ප්රජාව හේතුවෙන් බිත්තර කර්මාන්තය තව දුරටත් අර්බුදයකට පත්වීම සිදුවිය හැකි ලකුණු පහළ වී තිබේ.
බිත්තරයක් දින 14 ක් තුළ පරිභෝජනය කළ යුතු වීම, දැනටමත් දෛනික බිත්තර අලෙවිය ලක්ෂ 65ක සිට ලක්ෂ 40 දක්වා පහළ වැටීම නිසා මෙම අර්බුදය තීව්ර වන ලකුණු පහළ වී ඇතැයි වෙළෙඳපල ආරංචි මාර්ග කියයි.
වැඩිදුර කියවන්න…
බිත්තරයක් 55ට අඩුවෙන් වෙළන්දන්ට දෙන්නෙ නෑ… බිත්තර නිශ්පාදකයෝ පාලන මිල ප්රතික්ෂේප කරති!
