අද මධ්යම රාත්රියේ සිට බස් ගාස්තු සංශෝධනය කළ බව ජාතික ගමනාගමන කොමිෂන් සභාව නිවේදනය කරයි. අවම බස් ගාස්තුව අද මධ්යම රාත්රියේ සිට රුපියල් 27කි.
පසුගිය සැප්තැම්බර් මස 30 දින ලංකා සුදු ඩීසල් ලීටර් එකක මිල රු.10 කින් අඩු කිරීම සහ ඊයේ මධ්යම රාත්රියේ සිට ලීටරයක මිල රුපියල් විසි හතරකින් අඩුකිරීම ලෙස සුදු ඩීසල් ලීටරයක් රුපියල් 34කින් අඩුවීම බස් ගාස්තු ගණනය කිරීමේ සුචියට ගැලපූ විට වර්තමානයේ ක්රියාත්මක බස් ගාස්තුව සියයට හතරයි දශම දෙකයි හතරකින් (4.24%) අඩු කළ හැකි බව නිරීක්ෂණය වන බවත්, ඒ අනුව වර්තමානයේ ක්රියාත්මක සමාන්ය සේවා, අර්ධ සුඛෝපභෝගී සේවා, සුඛෝපභෝගී සේවා, අධි සුඛෝපභෝගී සේවා බස් ගාස්තු අද දින මධ්යම රාත්රියේ සිට සියයට හතරයි දශම දෙකයි හතරකින් (4.24%) අඩුකරන බවත් කොමිෂන් සභාවේ අධ්යක්ෂ ජනරාල් නයෝමි ජයවර්ධන විසින් නිකුත් කළ නිවේදනයේ දැක්වේ.
මෙම ප්රතිශතයේ යම්කිසි සංශෝධනයක් වෙතොත් නැවත සමාලෝචනය කිරීමටත් ප්රවාහන, මහා මාර්ග, වරාය හා සිවිල් ගුවන්සේවා අමාත්යාංශයේ ලේකම් විසින් අනුමැතිය ලබාදී ඇත.
ඒ අනුව අද මධ්යම රාත්රියේ සිට ශ්රී ලංකා ගමනාගමන මණ්ඩලය විසින් ධාවනය කරනු ලබන බස් රථ, ජාතික ගමනාගමන කොමිෂන් සභාව හා පළාත් මාර්ගස්ථ මගී ප්රවාහන අධිකාරී විසින් නිකුත් කළ වලංගු මගී සේවා අවසර පත්ර යටතේ ධාවනය වන පෞද්ගලික බස්රථවල නව සංශෝධිත බස් ගාස්තු ක්රියාත්මකය.
ඒ අනුව මගීන්ගෙන් නියමිත බස් ගාස්තුව පමණක් අය කරන ලෙස ශ්රී ලංගම සහ සියළුම පෞද්ගලික බස් රථ ධාවකයින් වෙත දැනුම් දී ඇති අතර නියමිත ගාස්තුවට වඩා වැඩියෙන් බස් ගාස්තු අයකරන අය පිළිබදව නීත්යානුකූල ක්රියාමාර්ග ගැනීමට කටයුතු කරන බව ද ජාතික ගමනා ගමන කොමිසම අනතුරු අඟවයි.
නියමිත බස් ගාස්තුවට වඩා වැඩියෙන් බස් ගාස්තු අය කළ හොත් අන්තර් පළාත් පෞද්ගලික බස් රථ සම්බන්ධයෙන් ජාතික ගමනාගමන කොමිෂන් සභාවේ 1955 ක්ෂණික දුරකථන අංකයට හෝ 0712595555 වට්ස් ඇප් අංකයට ද ශ්රී ලංකා ගමනාගමන මණ්ඩලයේ බස්රථ සම්බන්ධයෙන් 1958 ක්ෂණික දුරකථන අංකයට හා පළාත් සභා බස් රථ සම්බන්ධයෙන් අදාළ පළාත් අධිකාරියට පැමිණිලි ඉදිරිපත් කරන ලෙස සියළුම මහජනතාව වෙත ජාතික ගමනාගමන කොමිෂන් සභාව විසින් දන්වා ඇත.
සාමාන්ය සේවා ගාස්තු චක්රය මෙම දිගුවෙන් බලා ගත හැකිය. Normal Section 350
අන්තර් පළාත් බස් සේවා පූර්ණ ප්රවේශපත්ර ගාස්තුව මෙම දිගුවෙන් ලබා ගත හැකිය. Inter Provincial Route fare Ad – 2024-10-02
අර්ධ සුඛෝපභෝගී සේවා ගාස්තු සංශෝධනය වන ආකාරය මෙම දිගුවෙන් ලබා ගත හැකිය.
සුඛෝපභොගී සේවා ගාස්තු චක්රය මේ දිගුවෙන් ලබා ගත හැකිය. Luxury Section 350
