රංජිත් රාජපක්ෂ –
මහනුවර තෙල්දෙණිය රෝහල අසළ මෝටර් රථයක තිබි ඊයේ දිනයේ (17) දින සොයා ගත් මිය ගිය තරුණිය වෛද්යවරියක නොව අම්පාර රෝහලේ භෞත චිකිත්සක වරිය බව අනාවරණය වී තිබේ. ඇය වැලිගම, කුරුඳු කොරටුව, පලල්ල ප්රදේශයේ පදිංචි තරුණ වෘත්තියවේදිනියකි.
මිය ගිය භෞත චිකිස්තසකවරිය (16) දින සිය පෙම්වතා සමග නුවරඑලිය නගරයේ සංචාරක හෝටලයක රැදී සිටි බවට ලද තොරතුරක් මත නුවරඑලිය පොලිසිය මගින්ද සිරුර සම්බන්ධයෙන් විමර්ශනයක් ආරම්භ කළ බව පොලිසිය කියයි.
ඇය සිය පෙම්වතා සමග නුවරඑළියට ගොස් පෞද්ගලික හෝටලයේ නැවතී සිටි බවට තොරතුරු ලැබී ඇතැයි පොලිසිය කියයි.
දෙදෙනා අතර ඇති වූ බහින්බස් වීමකින් පසු, පෙම්වතා යැයි කියන පුද්ගලයා කාන්තාව ඝාතනය කර, හෝටලයෙන් රැගෙන ගොස්, මෝටර් රථයෙන් සිරුර රැගෙන විත් ඇත. අනතුරුව සිරුර සහිත වාහනය මහනුවර තෙල්දෙණිය රෝහල අසළ දමා යන්නට ඇති බවට පොලිසිය සැක කරයි.
ඔවුන් ලැගුම් ගත් හෝටලයේ ආරක්ෂිත කැමරා දර්ශන පද්ධතියේ තරුණියගේ මුහුණ වසා පෙම්වතා විසින් ඇයව ඔසවාගෙන යන අයුරු දත්ත ගොනුවල සටහන් වී තිබිණි.
ඒ ඔස්සේ පරික්ෂණ පවත්වන නුවරඑලිය පොලිසියේ උසස් නිළධාරියෙක් කියා සිටියේ, තෙල්දෙණිය පොලිසියෙන් අදාළ තොරතුරු ලබා ගෙන ඒ ඔස්සේ නුවරඑලිය පොලිසිය මගින් මියගිය තරුණියගේ සිරුර සම්බන්ධයෙන් විමර්ෂණයක් සිදු කරන බවයි. පහත දැක්වෙන්නේ ඇයගේ දේහය හමුවන අවස්ථාවය.
මේ ලිපියත් කියවන්න….
තෙල්දෙණිය රෝහල් රථගාලේ මෝටර් රථයක තිබී වෛද්යවරියකගේ සිරුරක් හමුවේ!
