නුවන් ජයසේකර –
දෙවුන්දර මුහුදු සීමාවට දකුණු දෙසින් වූ ගැඹුරු මුහුදේ සිදුකළ විශේෂ සෝදිසියකදී මත්ද්රව්ය ප්රවාහනය කරමින් තිබූ ධීවර යාත්රාවක් සැකකරුවන් පස්දෙනෙකු සමඟ අද (15) අත්අඩංගුවට ගැනීමට නාවික හමුදා දිගුදුර නාවික බලඇණිය සමත් විය.
අත්අඩංගුවට ගත් ධීවර යාත්රාව තුළ මත්ද්රව්ය යැයි සැක කෙරෙන පොහොර උර තොගයක් පවතින බවත්, යාත්රාවේ සිටි පුද්ගලයන් පස්දෙනා නාවික හමුදා භාරයට ගෙන ඇති බවත් වාර්තා වේ.
නාවික හමුදා භාරයට ගත් මෙම යාත්රාව සහ සැකකරුවන් පිරිස ඉදිරි නීතිමය කටයුතු සඳහා හෙට (16) දින ගොඩබිමට රැගෙන ඒමට නියමිත අතර, මේ වන විට අදාළ යාත්රාව නාවික හමුදා ආරක්ෂාව යටතේ ගොඩබිම දෙසට රැගෙන එමින් පවතී.
-
වසරේ මේ දක්වා වැටලීම්
2026 වසරේ මේ දක්වා කාලය තුළ ශ්රී ලංකා නාවික හමුදාව මෙරට මුහුදු සීමාවේදී සිදුකළ වැටලීම් මගින් රුපියල් බිලියන 22කට අධික වටිනාකමකින් යුතු මත්ද්රව්ය තොග අත්අඩංගුවට ගෙන තිබේ.
මෙහි සුවිශේෂී අවස්ථාවක් ලෙස පසුගිය සතියේ දකුණු මුහුදු තීරයේදී සිදුකළ මෙහෙයුමකදී රුපියල් බිලියන 10කට අධික වටිනාකමකින් යුතු මත්ද්රව්ය සමඟ බහුදින ධීවර යාත්රා දෙකක් සහ සැකකරුවන් 12 දෙනෙකු අත්අඩංගුවට ගනු ලැබීය.
මීට අමතරව ජනවාරි සහ පෙබරවාරි මාසවලදී දකුණු සහ බස්නාහිර මුහුදු තීරයේදී රුපියල් බිලියන 15ක් පමණ වටිනා මත්ද්රව්ය තොග සහ ජාවාරම්කරුවන් 18 දෙනෙකු අත්අඩංගුවට ගැනීමට ආරක්ෂක අංශ පියවර ගෙන තිබුණි.
මේ ලිපියත් කියවන්න…
දෙවුන්දර මුහුදේදී මත්ද්රව්ය සමඟ අත්අඩංගුවට ගත් යාත්රාව හෙට ගොඩබිමට!
