ජාලිය වීරක්කොඩි –
දොස්තර නවීන් සොයිසා ගැන දන්නෝ දනිති. වෛද්ය වෘත්තියේ ඇති සියලුම සාධනීය සහ ගෞරවනීය හරයන් මත පැහැරූ මැරයෙකුට සමාන මේ පුද්ගලයා රජයේ වෛද්ය නිලධාරීන්ගේ සංගමය අද පත්ව ඇති නිවට කාලකණ්ණි භූමිකාවට ඇද දැමූ පාදෙණියගේ කල්ලියේ හිටි හොඳම ත්රාඩයා ය. අද මේ ත්රාඩයා ඉදිරියේ වෛද්ය පරිපාලන නීතිය දෙකට නැමී ඇති ආකාරය පිළිබඳ මේ කතාව කියන්නට සිදුවන්නේ මේ ආණ්ඩුවේ සෞඛ්ය කෙරුවාව ගැනත් අවබෝධයක් පොදුවේ සමාජයට ලැබෙන බැවිනි.
අමුතු පත්වීම-
පසුගිය දිනවලදී සෞඛ්ය අමාත්යාංශය තුළ සිදු කරන ලද ජ්යෙෂ්ඨ සෞඛ්ය පරිපාලන පත්වීම් අතරතුර සිදු කර ඇති එක්තරා සුවිශේෂී පත්වීමක් හේතුවෙන් සෞඛ්ය පරිපාලන පද්ධතිය විහිලුවකට ලක් වුනේය. ක්ෂේත්රයේ ප්රවීණයන් පවසන අකාරයට සෞඛ්ය අමාත්යාංශය විසින් කිරි කළයට ගොම බිංදුවක් නොව ගොම තැම්බක්ම දමාගෙනය.
ජ්යෙෂ්ඨ සෞඛ්ය පරිපාලන ශ්රේණියේ තනතුරක් වන බස්නාහිර පළාත් නියෝජ්ය සෞඛ්ය සේවා අධ්යක්ෂ ධුරයට තවමත් කනිෂ්ඨ සෞඛ්ය පරිපාලන සේවයටවත් පත් කර නොමැති, නිසි සුදුසුකම් සපුරා නොමැති තැනැත්තෙකු පත් කර තිබුණේය. මේ පත්වීම ලබන තැනැත්තා අප මුලින් කී දොස්තර නවීන් සොයිසාය.
නවීන් සොයිසා දැනටමත් රජයේ වෛද්ය නිලධාරීන්ගේ සංගමයේ (GMOA) විධායක සභිකයෙකි. ඔහු විදේශ පුහුණුව නිමා කර පැමිණි අත්දැකීම් අඩු ප්රජා සෞඛ්ය පිළිබඳ විශේෂඥ වෛද්යවරයෙකි. (Community Physician). ඔහු විදේශ ගතවී නැවත පැමිණීමේදී සෞඛ්ය අමාත්යාංශය විසින් ඔහු වෙත ලබා දෙන ලද රත්නපුර ප්රජා සෞඛ්ය තනතුරේ වැඩ බැලීම සඳහා වාර්තා කළේ නැත. ඒ වෙනුවට තමන්ට හිමි නැති කලුතර දිස්ත්රික් සෞඛ්ය අධ්යක්ෂවරයා ලෙස නීතිවිරෝධී තනතුරක නවීන් සොයිසා දිගින් දිගටම රැඳී සිටියේය.
එවැනි පසුබිමක, නිසි සුදුසුකමක් නොමැතිව ඔහු ඊටත් වඩා උසස් බස්නාහිර පළාත් නියෝජ්ය සෞඛ්ය සේවා අධ්යක්ෂ තනතුරකට පත් කිරීම සිදුවන්නේය. මේ මොන කුණුහරපයක් දැයි සෞඛ්ය ප්රවීණයින් අසන්නේ ඒ නිසාය. මේ නඩලම් නටන්නේ කාගේ හයියට ද අවහල් නෛතික පදනමකින් ද යන්න ප්රශ්න කරන්නේත් ඒ නිසාය. බලාපොරොත්තු සහගතව පත් කරගත් ආණ්ඩුවක සෞඛ්ය අමාත්යාංශයේ පාංකඩ “ලොන්ත පෝල්” ස්වරූපය මෙයින් ප්රකට වන්නේ ද, එසේත් නැතිනම් ලෝකයට කයි දෙන සෞඛ්ය ඇමති GMOA බලය ඉදිරියේ පඹයෙක් ද යන්න දැන් අප විවෘතව ප්රශ්න කළ යුතු අවස්ථාව එළඹ ඇත.
ස්ථාන මාරුවීම්වල ගේම
සාමාන්ය ක්රමවේදයට අනුව සියලුම විශේෂඥ වෛද්යවරුන්ගේ ස්ථාන මාරුවීම් සඳහා දේශපාලන බලපෑම් එල්ල වන්නේ නැත. 2026 වසරේ පුරප්පාඩු පිරවීමේ ලේඛනයට (2026 Replacement List) අනුව නවීන් සොයිසාත් අයදුම් කළ යුතුය. එහිදී ඔහුගේ ජ්යෙෂ්ඨතා ලකුණු (Seniority Marks) අනුව හිමිවන ස්ථානයකට පත්ව යා යුතුය. ගෞරවනීය වෘත්තීය භාවය ආරක්ෂා කරගත් සෑම විශේෂඥ වෛද්යවරයෙක්ම මේ දක්වා මේ පරිපාලන නීතියට හිස නැමුවේයෙ
බිඳ දමා ඇත්තේ මේ නෛතික පදනමය. රටේ පොදු නීතිය මෙන්ම ආයතනික පරිපාලන නීතිය ද හැමෝටම පොදු කරගන්නට අප පත් කරගත් ආණ්ඩුවේ සෞඛ්ය ඇමති මේ නීතිවිරෝධී පත්වීම ගැන කරන පැහැදිලි කිරීම කුමක් ද?. රටක් ලෙස අප එය දැනගන්නට කැමතිය.
මේ පත්වීම පිටුපස සෞඛ්ය අමාත්යාංශය තුළ සිටින ඉහළම නිලධාරීන් දෙදෙනෙකු සහ GMOA ට සෘජුව සම්බන්ධ සෞඛ්ය පරිපාලන ජ්යෙෂ්ඨ ලේඛකාධිකාරී (පුහුණු) වරයකු සිටින බව අමාත්යාංශ ආරංචි මාර්ග අනාවරණය කරයි. මේ හාල් කෑලිවලට ඇඳගෙන සෞඛ්ය පරිපාලනය අයාලේ හරින්නට තරම් සෞඛ්ය ඇමති ගොබ්බයෙක් ද?.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
නලින්ද ජයතිස්ස සෞඛ්ය ඇමතිවරයා සිය දේශපාලන ජීවිතයේ දුර වෛද්ය මෙලෝ රහක් නැති නවීන් සොයිසා වැනි පුද්ගලයෙක් ලඟින් සලකුණු කරගත යුතු නැති බව අපගේ විශ්වාසය ය. ඇමති තුමා එසේ විශ්වාස කරන්නේ නැතිනම් අපට කියන්නට ඇත්තේ “ඇමති තුමා… සුබ ගමන්” කියා පමණය.
