ලාංකේය ජන සමාජය Bell 212 යානයක් හුදු ගුවන් යානයක්ම නොවේ. එය ජාතියක හුස්ම පොද පිළිබඳ මහා ගැඹුරු මානුෂීය කතාවක්, ජීවිතය පිළිබඳ බලාපොරොත්තුවක්, සහ ජාතියක අධ්යාත්මය රූපණය කරන සංකේතයක් වූයේය. ඒ ගැඹුර ගුවන් හමුදා නිලධාරියෙක් සිය මුහුණු පොතේ ඊයේ සටහන් කර තිබුණු ආකාරය අපව කම්පනයට පත් කළේය. එම සහටන මෙසේ බෙදා ගනිමු. පහත දැක්වෙන්නේ එම සටහනය.
566 වතුරෙන් උඩට ගන්න පින්තූරෙ දැකල මට දැනුනු වේදනාව ගැන හිතද්දි මේක නොලියාම බැරිවුනා..
Bell 212 කියන්නෙ ත්රිවිධ හමුදාවෙම හදවතේ ඉහලම තැනක තියෙන ගුවන් යානාවක්. ඒ ගැන කිසිම විවාදයක් නැහැ.
යුද්දෙ කාලෙ Bell 212 එකක් කියන්නෙ තුවාල වුනු අය රෑ එළි වෙනකම් එහෙ මෙහෙ ඇදපු, මැරුනු සොල්දාදුවො තමන්ගෙ ගෙවල් වල අයට බලන්න ගෙනල්ල දීපු, වතුර ටික, ඇමෝ ටික, ඇදුම් ටික, පඩි පතේ ඉඳල සේරම දරදිය ඇදපු පුදුමාකාර ගුවන් යානයක්.
මේ ගුවන් යානයේ floor board එක අපේ වීරෝධාර රණවිරුවන්ගෙ ලේ වලින් පෙඟිච්ච වාර ගාන, ඒ ලේ හෝදලා දාපු වාර ගාන හිතාගන්න බැරි තරම් වෙන්න ඇති
මේ ගුවන් යානා නිසා බේරුනු ජීවිත ගාන හිතාගන්නවත් බැරි ගානක් වෙන්න ඇති
මේ machine එක ගැන සම්පූර්ණ විශ්වාසය තියල මේක fly කරපු ගුවන් නියමුවන්, මේක අතපත ගාල රෑ එලි වෙනකල් දරුවෙක් වගේ මේක හදපු ඉන්ජිනේරු කාර්ය මන්ඩලයට මේ වතුරෙන් උඩට ගන්න 566 දකිද්දි දැනුනෙ මොකද්ද කියල සාමාන්ය කෙනෙක්ට හිතාගන්නවත් බැහැ.
යුද්දෙ අමාරුම තැන්වලදි Bell 212 එක ඈතින් එන සද්දෙ ඇහුනම, කැමා පාටට පාට කරල ගස් උඩින් එනව දැක්කම එන ගැම්ම ගැන මොරාල් එක ගැන Army අය Navy අය ඕනතරම් සාක්ශි දරාවි.
වෙඩි කාපු රණවිරුවො ඒ ගැන කතා කරද්දි ඒ තරමටම වෙඩි කාපු 566 තුවාල මකාගෙන නිහඬව ආපහු රාජ්කාරියට ගියා.
566 ඉස්සරහ pose කරල ගැම්මට ගහපු පින්තූර හමුදා තුනේම අය ළඟ ඇති ඕන තරම්. 212 යනකොට ගෙවල් වලින් එලියට ඇවිල්ල උඩ බලපු, අත වනපු අය 566 ටත් අත වනන්න ඇති.
යුද්දෙන් පස්සෙ උනත් විශ්රාම නොගෙන රටේ මොන ආපදාව උනත් මුලින්ම එතනට යන, ගංවතුරක් අනතුරක් උනාම ජීවිත බේරගන්න එන, ගින්නක් ආවම Bambi bucket එකක් එල්ලගෙන ඒක නිවන්න එන, නිදහස් දවසට ජාතික කොඩිය ගෞරවයෙන් අරගෙන යන Bell 212 එක Air show වල heli dancing දානකොට හැමෝම බලන් ඉන්නෙ ඇහිපිය නොගහ.
ගුවන්, යුධ, නාවික හමුදා තුනේම passing out වල සංදර්ශන වලට Bell 212 කියන්නෙ ආභරණයක්..
එච්චර හැමෝගෙම ආදරය දිනාගත්තු Bell 566, මෙහෙම කෑලි වෙලා වතුරෙන් උඩට ගන්නවා දකිද්දි නං වාවන්නෙ නැහැ කොහොමටත්…
Not merely an aicraft…but a soul of an era
සුබ ගමන් SUH 566
Sham Ran
11 May 2025
